Gundeninda Gudigantalu September 21st: మీనాపై చింతామణి పగ.. రౌడీలతో కొత్త స్కెచ్.. ప్రభావతి వెన్నుపోటు!

Gundeninda Gudigantalu: గుండె నిండా గుడిగంటలు సీరియల్ శుక్రవారం ఎపిసోడ్‌ మనోజ్‌ అనారోగ్యంతో ప్రారంభమైంది. జ్వరంతో బాధపడుతున్న భర్తకు రాగిజావ తయారు చేసేందుకు రోహిణి వంటగదిలోకి వెళ్లింది. అయితే ప్రభావతి ఆమెను అడ్డుకుంది. వ్రతం సమయంలో పూజలో కూర్చోకుండా బార్‌కు వెళ్లిన విషయాన్ని గుర్తుచేస్తూ రోహిణిపై మండిపడింది. మనోజ్‌ ఆరోగ్యం దెబ్బతినడానికి కూడా ఆమెనే కారణమని ఆరోపించింది. ప్రభావతి మాటలకు రోహిణి కూడా తగ్గలేదు. మనోజ్‌ తన భర్త అని, అతడి విషయంలో ఎవరి అనుమతి తీసుకోవాల్సిన అవసరం లేదని స్పష్టం చేసింది. దీంతో బాలు కూడా రోహిణిని నిలదీశాడు. అయితే మనోజ్‌ ఫోన్ చేయడంతోనే తాను బార్‌కు వెళ్లాల్సి వచ్చిందని ఆమె వివరణ ఇచ్చింది. భర్త కూడా బాలు మాదిరిగా తాగుడుకు బానిస అవుతాడేమోనన్న భయంతో అక్కడికి వెళ్లానని చెప్పింది. ఈ మాటలతో మీనా ఆగ్రహం వ్యక్తం చేసింది.