Gundeninda Gudigantalu Serial Today 21 September Episode: పొగరు చూపించిన మీనా.. కుళ్లుకున్న ప్రభావతి.. దెబ్బకొట్టిన చింతామణి

రోహిణి అలాంటి పని ఎందుకు చేసింది.. చేయి కాలి ఉండదా? అని శ్రుతి అడుగుతుంది. తన సంసారంలోని మంటలు కంటే.. ఆ నొప్పి పెద్దది కాదని ఫీలై ఉండొచ్చు అని మీనా అంటుంది. అంత చేసినా ఆంటీ నమ్మదు కదా.. నమ్మే రోజులు పోయాయి కదా అని శ్రుతి అంటుంది. అవును.. అత్తయ్య నమ్మడం కష్టమే అని మీనా అంటుంది. అంతలో రోహిణి వస్తుంది. దీంతో శ్రుతి మాట మార్చేస్తుంది. నీ బాధలు పోవాలంటే.. వెళ్లి కామాక్షి పిన్నితో మాట్లాడించు.. అత్తయ్య వినే అవకాశం ఉందని మీనా సలహా ఇస్తుంది. మామయ్య గారు మీతో ఓ విషయం చెప్పాలని మీనా అంటుంది. ఏంటి.. మీ ఆయన నీతో మాట్లాడటం లేదా? రాయబారం చేయాలా? అని ప్రభావతి కౌంటర్లు వేస్తుంది. మా సంసారంలో మీరు తొంగి చూడాల్సిన పని లేదు అని మీనా సెటైర్లు వేస్తుంది. చూశారా? దీనికి ఎంత పొగరో అని ప్రభావతి అంటుంది. అత్తవి అత్తలా ప్రవర్తిస్తే కోడళ్లు మర్యాద ఇస్తారని సత్యం తిడతాడు. అసలు విషయం ఏంటో చెప్పనివ్వు అని సత్యం అంటాడు. ఒక ఆర్డర్ గురించి చెప్పాను కదా.. ఐదు లక్షలు డిపాజిట్ చేయాలని అని మీనా అంటుంది. నీకు ఎలాగూ ఐదు లక్షలు దొరకవు, ఆర్డర్ పోతుందని నాకు తెలుసు అని ప్రభావతి అంటుంది. మీరు అలా అనుకుంటారని నాకు తెలుసు అని ఐదు లక్షలు తీసి చూపిస్తూ.. మీరు ఇది ఊహించలేదు కదా.. ఇకపై మీరు ఊహించనివే జరుగుతాయ్ అని పొగరుగా మాట్లాడుతుంది మీనా. ఇక ఆ డబ్బుని చూసి ప్రభావతి షాక్ అవుతుంది. మంచి విషయం చెప్పావ్.. వెళ్లి రా అమ్మా అని అంటాడు సత్యం. ఇది డబ్బులు ఎలా సెట్ చేసింది.. అర్జెంట్‌గా ఈ విషయం చింతామణికి చెప్పాలని ప్రభావతి అనుకుంటుంది. మరో వైపు చింతామణి అక్కడ చెక్కుతో రెడీగా ఉంటుంది. ఆ మేనేజర్‌ని తన వైపు తిప్పుకోవాలని చూస్తుంది. మా ఓనర్‌కి మీనా చేసిన డిజైన్స్ నచ్చాయి.. ఆమె రాకపోతే మీకు ఇస్తా.. మా ఓనర్ మాట కాదనలేను.. ఇంతకు ముందు కూడా ఇలానే ఓ ఫంక్షన్ హాల్లో మేనేజర్ ఇలా చేస్తేనే ఉద్యోగంలోంచి పీకేశారట అని అంటాడు. ఆ ఓనర్ గాడికి మీనా నచ్చిందో డిజైన్స్ నచ్చిందో అని అక్కడి నుంచి వెళ్లిపోతుంది చింతామణి. ఇక కోపంలో ఉన్న చింతామణికి ప్రభావతి ఫోన్ చేస్తుంది. చింతామణి నీకు ఒక బ్యాడ్ న్యూస్ అని అంటుంది ప్రభావతి. మీనాకి డబ్బులు దొరికాయ్ అని మాత్రం చెప్పకు.. నా గుండె ఆగిపోతుందని చింతామణి అంటుంది. నీ గుండె కాస్త నిబ్బరంగా చేసుకో.. మీనాకి ఐదు లక్షలు దొరికాయి.. డిపాజిట్ చేసేందుకు అక్కడికే వస్తోందని ప్రభావతి అసలు విషయాన్ని చేరవేస్తుంది. సరే మీరు ఫోన్ పెట్టేయండి.. నేను మిగతా విషయాల్ని చూసుకుంటాను అని చింతామణి అంటుంది. చింతామణి పరిస్థితిని చూసి పక్కనే ఉన్న అసిస్టెంట్ గాడు నవ్వుకుంటూ ఉంటాడు. అనుకున్నది ఒక్కటి అని పాట పాడుతూ ఉంటాడు. చింతామణి తన రౌడీలను పిలుస్తుంది. మీనా గురించి వాళ్లకి చెబుతుంది. దాంతో కాస్త జాగ్రత్త.. నువ్వు ఒక్కడివే కాకుండా ఇంకో ఒకడ్ని తీసుకుని వెళ్లు అని చింతామణి చెప్తుంది. ఓసేయ్ మీనా.. ఐదు లక్షలు పట్టుకుని వస్తున్నావా? రా.. ఎంత దూరం వస్తావో నేను కూడా చూస్తాను అని చింతామణి అనుకుంటుంది. ఇంకో వైపు ఆటోలో మీనా వస్తూ ఉంటుంది. మా ముళ్లకంపకి వడ్డీతో సహా డబ్బులు ఇస్తాను.. అప్పుడు ఎలా మొహం పెట్టుకుంటాడో చూస్తా.. ఈ దాగుడుమూతలు బాగున్నాయి.. అని మీనా నవ్వుకుంటూ ఉంటుంది. ఇంతలో మీనాకి తన అసిస్టెంట్లు ఫోన్ చేస్తారు. ఎక్కడున్నారు అక్కా అని మీనా అంటుంది. ఆటోలో ఉన్నాం.. దారిలోనే ఉన్నాం.. వస్తున్నాం అని అంటారు. నేను కూడా ఆటోలోనే ఉన్నాను అని మీనా అంటుంది. సరే కలుద్దాం అని చెప్పి ఫోన్ పెట్టేస్తారు. రేయ్ మీనా ఇటు వైపు నుంచే వస్తుందని చెప్పింది కదా అని రౌడీలు ఎదురు చూస్తుంటుంది. స్కూటీ మీద వస్తుందని చెప్పారు.. ఇలా ఆటోలో వెళ్తుంది ఎలా రా అని ఫాలో అవుతూ ఉంటారు. అలా మీనాని వాళ్లు ఫాలో అవుతూనే ఉంటారు.