ఆ మధ్య ఓ ఈవెంట్లో బిగ్ బాస్ సీజన్ 9 విన్నర్ కళ్యాణ్ పడాల , రన్నర్ తనూజ కనిపించినప్పుడు.. స్టేజ్పై తనూజ అసలు కళ్యాణ్ మొహం కూడా చూడలేదు. అందర్నీ నవ్విస్తూ పలకరించింది కానీ.. కళ్యాణ్ పడాలతో పడనట్టుగానే కొన్ని వీడియోలు వైరల్ అయ్యాయి. నిజానికి ఆ కార్యక్రమానికి ముందు.. వాళ్లు ఒకర్నొకరు పలకరించుకున్నారు.. మాట్లాడుకున్నారు.. నవ్వుకున్నారు. కానీ స్టేజ్పై మాత్రం ఒక సందర్భంలో ఒకరికొకరు పడనట్టుగా కనిపించేసరికి వీళ్ల మధ్య ఏదో గొడవ అయ్యింది? తనూజ కళ్యాణ్ని దూరం పెట్టేసింది.. వాళ్లిద్దరి మధ్య మాటల్లేవ్ అంటూ రకరకాల పుకార్లు షికారు చేశాయి.అయితే ఆ వీడియోపై స్పందించిన కళ్యాణ్ పడాల.. తనూజ పేరు కూడా ప్రస్తావించకుండానే తనదైన శైలిలో వివరణ ఇచ్చాడు. తాజా ఇంటర్వ్యూలో కళ్యాణ్ పడాల మాట్లాడుతూ.. ‘ఇవన్నీ ఎవరు పుట్టిస్తారంటే.. ఖాళీగా ఉండి.. మూడు పూటలా తిని.. ఏం చేయాలో తెలియక.. మాలా ఒకపూట తినేవాళ్లపై కామెంట్స్ చేస్తుంటారు. ఒక్కోసారి మాకు ఒక్కపూట కూడా తినడానికి టైమ్ ఉండదు. మా మధ్య ఎలాంటి ఇష్యూస్ లేవు. బయట కలిసినప్పుడు ఏవేవో వాళ్లే కల్పించేసుకుని వైరల్ చేస్తుంటారు. అయినా మాకేం గొడవలు ఉంటాయి. నాతో ఎవరికీ గొడవలు ఉండవు.అప్పుడు వెళ్లిపోతా అనుకున్నా..ఆటలో గెలవడం కాదు.. ఎలా గెలిచాం అన్నదే ముఖ్యం. నేను గేమ్పైనే ఫోకస్ పెట్టా.. బయట వాళ్లు ఏం అనుకుంటున్నారా? అని ఆలోచిస్తే సరిగా ఫోకస్ పెట్టలేం. నేను ప్రియ హౌస్లో ఉన్నప్పుడు.. బయట ఏం జరుగుతుంది? నేనే వెళ్లిపోతానా? అనే డౌట్ వచ్చింది. కానీ నా మీద నాకు హోప్స్ వచ్చాయి.ఇది ఓపెన్ సీక్రెట్.. బిగ్ బాస్లో కనిపించనట్టే కనిపిస్తే జనం యాక్సెప్ట్ చేయరు..నాకు మంచి యాక్టర్ అవ్వాలని ఉంది అని బిగ్ బాస్ హౌస్లో ఉన్నప్పుడే చెప్పాను. నాకు అన్నీ హీరో లెవల్ స్టోరీలే వస్తున్నాయి. డిఫరెంట్స్ క్యారెక్టర్స్ చేయడానికి నేను సిద్ధమే. కానీ.. చాలామంది నేను హీరోగానే చేస్తానని అనుకుంటున్నారేమో.. అందుకే ఆ కథలు నా దగ్గరకు రావడం లేదు. బిగ్ బాస్ హౌస్లో నన్ను 105 రోజులు 24 గంటలూ చూశారు కాబట్టి అదే కళ్యాణ్.. స్క్రీన్పై కనిపిస్తే పండదు. ఇది ఓపెన్ సీక్రెట్. దీన్ని ఎవరూ ఒప్పుకోరు. కాబట్టి.. ఆ కళ్యాణ్ నుంచి నేను బయటకు రావాలి. కొత్తగా కనిపించాలి. దానికి తగ్గట్టే నన్ను నేను మార్చుకుంటున్నాను.నా తపన అదే.. అక్కడ కళ్యాణ్ కాకుండా క్యారెక్టర్ మాత్రమే కనిపించాలి. బిగ్ బాస్ క్రేజ్ని మర్చిపోయి.. నన్ను మెచ్చి నాకోసం వచ్చే క్యారెక్టర్ కోసం చూస్తున్నా. పర్ఫెక్ట్ ప్లాన్తోనే వెళ్తున్నాం. నాతో పాటు నాకు మంచి టీం ఉంది. నేను ఆర్టిస్ట్లకంటే.. టెక్నీషియన్లతోనే ఫ్రెండ్ షిప్ చేస్తా. ఎందుకంటే వాళ్లకే గ్రౌండ్ రియాలిటీ తెలుస్తుంది. త్రివిక్రమ్ గారు చెప్పినట్టుగా.. ఈ మనిషికి ఏదీ ఈజీగా రాదు.. కష్టపడి సాధించి తెచ్చుకోవాలి అని. నాకు ఏదీ ఈజీగా రాదు’ అంటూ చెప్పుకొచ్చాడు కళ్యాణ్.
