దేశ రాజధాని న్యూఢిల్లీలోని ప్రతిష్ఠాత్మక జంతర్ మంతర్ వద్ద మరోసారి హై టెన్షన్ నెలకొంది. రిజర్వేషన్లకు వ్యతిరేకంగా వేలాది మంది నిరసనకారులు ఒకే వేదికపైకి వచ్చారు. విశ్వవిద్యాలయ నిధుల సంఘం (UGC) ప్రవేశపెట్టిన నూతన ఈక్విటీ నిబంధనలను రద్దు చేయడంతో పాటు కుల ప్రాతిపదికన అమలవుతున్న ప్రస్తుత రిజర్వేషన్ వ్యవస్థలో సమూల మార్పులు తీసుకురావాలని డిమాండ్ చేశారు. పలు అగ్రవర్ణ సంఘాలు, ఓపెన్ కేటగిరీకి చెందిన ఉద్యోగ, ఉపాధి అభ్యర్థులు, ప్రతినిధులు సమిష్టిగా తరలివచ్చి తమ నిరసన గళాన్ని గట్టిగా వినిపించారు.ఆర్థిక ప్రాతిపదికనే కొలమానం కావాలి: తీవ్ర ఉత్కంఠ మధ్య ధర్నాగత నలభై ఐదు రోజులుగా వివిధ రకాల ఆందోళనలకు నిలయంగా మారిన జంతర్ మంతర్ వద్ద ఈ నిరసన ప్రత్యేక ప్రాధాన్యత సంతరించుకుంది. కేవలం కుల పరిమితుల ఆధారంగా కాకుండా పేదరికం, ఆర్థిక అత్యవసర పరిస్థితులను బట్టే ప్రభుత్వ రంగాలు, ఉద్యోగాల్లో రాయితీలు కల్పించాలని ఆందోళనకారులు స్పష్టం చేశారు. మెరిట్ ప్రాతిపదికన ప్రతిభను ప్రోత్సహించాలని, అర్హత కలిగిన నిజమైన పేద విద్యార్థులకు మాత్రమే ఉన్నత విద్యా సంస్థల్లో అవకాశాలు కల్పించాలని డిమాండ్ చేశారు. ఇదే సమయంలో ఎస్సీ, ఎస్టీ అత్యాచారాల నిరోధక చట్టం దుర్వినియోగం కాకుండా కఠిన చర్యలు తీసుకోవాలని విజ్ఞప్తి చేశారు.రిజర్వేషన్ సంస్కరణల ఆందోళన్: హనుమాన్ చాలీసా పారాయణాలతో హోరెత్తిన ప్రాంగణంనీట్ అభ్యర్థి హర్ష్ దూబే నేతృత్వంలో రిజర్వేషన్ సంస్కరణల ఆందోళన్ పేరిట ఈ నిరసన ర్యాలీ సాగింది. రాజస్థాన్ నుంచి వచ్చిన జనరల్ సేన, చాణక్య సేన, ప్రసిద్ధ కర్ణి సేనతో పాటు సామాజిక మాధ్యమాల ఇన్ఫ్లుయెన్సర్లు ఈ ప్రదర్శనకు పూర్తి మద్దతుగా నిలిచారు. నిరసన సందర్భంగా ఆందోళనకారులు సమిష్టిగా హనుమాన్ చాలీసా పారాయణం చేస్తూ జై శ్రీరామ్ నినాదాలు చేశారు. ఈ భక్తిపూర్వక దృశ్యాలు సామాజిక మాధ్యమాల్లో వ్యాపించడంతో ఈ అంశంపై దేశవ్యాప్తంగా విస్తృత చర్చ ప్రారంభమైంది.48 గంటల్లో మొదలుపెడతారా ? నన్ను రమ్మంటారా ?-అభిజీత్ బిగ్ వార్నింగ్..!అనుమతులపై రచ్చ.. ఢిల్లీ పోలీసుల తీరుపై విమర్శలుఈ ధర్నాకు అనుమతి లభించడంపై ప్రారంభంలో తీవ్ర గందరగోళం నెలకొంది. భద్రతా కారణాల దృష్ట్యా పోలీసులు నిరసనకారులను రామ్‌లీలా మైదానానికి వెళ్లాల్సిందిగా సూచించినప్పటికీ, జంతర్ మంతర్ వద్దే ధర్నాకు పట్టుబట్టడంతో ఆంక్షల నడుమ అనుమతించక తప్పలేదు. అయితే శాంతియుత నిరసనలకు అనుమతుల ఇవ్వడంలో ఆలస్యం చేయడంపై రచయిత ఆనంద్ రంగనాథన్, పారిశ్రామికవేత్త మోహన్‌దాస్ పాయ్ వంటి ప్రముఖులు కేంద్ర హోంశాఖ దృష్టికి తీసుకెళ్తూ తీవ్ర విమర్శలు గుప్పించారు.Jantar Mantar Season 2: మోదీకి వినతిపత్రం ఇచ్చేదాకా కదిలేది లేదు: హర్ష్ దూబే ఘాటు హెచ్చరికసోషల్ మీడియా వేదికగా ప్రారంభమైన ఈ ఉద్యమం నాగ్‌పూర్, లక్నో, జైపూర్, విశాఖపట్నం వంటి నగరాలకు విస్తరించింది. రాజస్థాన్‌లో కర్ణి సేన ఆధ్వర్యంలో 800 కిలోమీటర్ల సుదీర్ఘ పాదయాత్ర కూడా జరిగింది. ప్రధాని నరేంద్ర మోదీకి వినతిపత్రం ఇచ్చేంత వరకు తమ పోరాటం ఆగదని హర్ష్ దూబే స్పష్టం చేశారు. సంపన్న కుటుంబాలకు కాకుండా కేవలం ఆర్థికంగా వెనుకబడిన నిరుపేద కుటుంబాలకు మాత్రమే లబ్ధి చేకూరేలా చట్టాల్లో మార్పులు తేకపోతే, ఈ నిరసనను దేశవ్యాప్తంగా మరింత తీవ్రతరం చేస్తామని ఉద్యమ నాయకులు హెచ్చరించారు.