సౌర కుటుంబంలో అత్యంత చిన్న గ్రహమైన బుధుడు శాస్త్రవేత్తలు ఊహించిన దానికంటే వేగంగా కుంచించుకుపోతున్నాడని తాజా అధ్యయనాలు వెల్లడిస్తున్నాయి. గ్రహం.. ఇనుప కోర్ చల్లబడటం వల్ల ఈ సంకోచం జరుగుతుందని శాస్త్రవేత్తలు భావిస్తున్నారు. యూరోపియన్, జపాన్ అంతరిక్ష సంస్థల బేపి కొలంబో మిషన్ ఈ మిస్టరీని ఛేదించేందుకు సిద్ధంగా ఉంది, తద్వారా బుధుడి భౌగోళిక పరిణామంపై మరింత స్పష్టత వస్తుంది.
సౌర కుటుంబంలో సూర్యుడికి అత్యంత దగ్గరగా, అత్యంత చిన్న గ్రహమైన బుధుడు శాస్త్రవేత్తల అంచనాలకు మించి వేగంగా తన పరిమాణాన్ని కోల్పోతున్నాడని తాజా అధ్యయనాలు వెల్లడిస్తున్నాయి. ఈ పరిశోధన బుధ గ్రహం భౌగోళిక పరిణామంపై కీలకమైన ఆధారాలను అందిస్తోంది. జర్మన్ ఏరోస్పేస్ సెంటర్కు చెందిన ఇన్స్టిట్యూట్ ఆఫ్ స్పేస్ రీసెర్చ్ శాస్త్రవేత్తలు నిర్వహించిన ఒక అధ్యయనం గత అంచనాలతో పోలిస్తే బుధ గ్రహం కుచించుకుపోయే రేటు 10 శాతం నుంచి 30 శాతం వరకు ఎక్కువగా ఉన్నట్లు గుర్తించింది.
