US Space Force: ఇక అంతరిక్షంలో యుద్ధం.. అమెరికా తొలి స్పేస్ వెపన్ ‘గోల్డెన్ డోమ్’ రెడీ.. మూడో ప్రపంచ యుద్ధం మొదలైనట్లేనా?

US Space Force: అంతరిక్షంలో సైనిక ఆధిపత్యం సాధించే దిశగా అమెరికా ఒక అపూర్వమైన, సంచలనాత్మక నిర్ణయాన్ని ప్రకటించింది. భూమి యొక్క కక్ష్యలో ప్రయోగించిన తొలి అఫెన్సివ్ (ఆక్రమణ) స్పేస్ ఆయుధాన్ని అధికారికంగా ధృవీకరిస్తున్నట్లు అమెరికా రక్షణ విభాగం ప్రకటించింది. అంతరిక్షంలో పెరుగుతున్న శత్రుదేశాల ముప్పుల నుండి తమ బలగాలను, కీలక ఉపగ్రహాలను కాపాడుకోవడానికి ఈ ఆన్-ఆర్బిట్ ఆయుధ మోహరింపు అత్యంత అవసరమని అమెరికా ఎయిర్ ఫోర్స్ కార్యదర్శి ట్రోయ్ మీంక్ ఎయిర్, స్పేస్ అండ్ సైబర్ కాన్ఫరెన్స్‌లో వెల్లడించారు.

Vijay Sethupathi CM Vijay Controversy: అది నాయకత్వమా.. బిగ్ బాస్ లో విజయ్ సేతుపతి షాకింగ్ కామెంట్స్.. సీఎం విజయ్‌ టార్గెట్, నెట్టింట వీడియో రచ్చ!

గోల్డెన్ డోమ్ డిఫెన్స్, వ్యూహాత్మక చర్యలు:

రష్యా, చైనాలు అంతరిక్షంలో అమెరికా(US Space Force) ఉపగ్రహాలను లక్ష్యంగా చేసుకుని దాడులు చేసే అత్యాధునిక సాంకేతికతను అభివృద్ధి చేస్తున్న నేపథ్యంలో అమెరికా ఈ చర్యకు దిగింది. ట్రంప్ ప్రభుత్వం రూపొందిస్తున్న ‘గోల్డెన్ డోమ్’ రక్షణ వ్యవస్థలో భాగమే ఈ స్పేస్ ఆయుధం. శత్రువుల నావిగేషన్, కమ్యూనికేషన్ నెట్‌వర్క్‌లను నిర్వీర్యం చేయడానికి కైనెటిక్, నాన్-కైనెటిక్ పద్ధతుల్లో దాడులు చేసే సామర్థ్యం ఈ ఆయుధానికి ఉందని స్పేస్ ఫోర్స్ ప్రతినిధి వెల్లడించారు.

అంతరిక్ష యుద్ధ భయాలు, తాజా వివాదాలు:

1967 నాటి అంతరిక్ష ఒప్పందం ప్రకారం అణ్వాయుధాలు లేదా సామూహిక విధ్వంసక ఆయుధాల మోహరింపుపై నిషేధం ఉన్నప్పటికీ, ఇతర దాడులకు సంబంధించిన సాంకేతికతలపై పెద్ద దేశాలు దృష్టి పెట్టాయి. ఇటీవల రష్యాకు చెందిన రెండు శాటిలైట్లు యూరోపియన్ కమ్యూనికేషన్ ఉపగ్రహాల డేటాను హ్యాక్ చేసేందుకు ప్రయత్నించడం, గతంలోనూ దాడులు చేయగల శాటిలైట్లను ప్రయోగించడంపై ఆందోళన వ్యక్తమైంది. దాంతో అంతరిక్షంలో శత్రువులను నియంత్రించేందుకు అమెరికా తమ ‘స్పేస్ ఫోర్స్’ ద్వారా ఈ ప్రత్యక్ష ఆక్రమణ చర్యలకు శ్రీకారం చుట్టింది.