Women Asia Cup: ఉమెన్స్ ఆసియా కప్ లో భారత మహిళల జట్టు అద్భుత ప్రదర్శనతో ఛాంపియన్గా నిలిచింది. టోర్నీలో అత్యధిక పరుగులు చేసిన బ్యాటర్ల జాబితాలో షఫాలీ వర్మ 236 పరుగులతో అగ్రస్థానంలో ఉండగా, స్మృతి మంధాన 213 పరుగులతో రెండో స్థానంలో నిలిచింది. ఫైనల్లోనూ వీరిద్దరూ రాణించి భారత్ భారీ విజయంలో కీలక పాత్ర పోషించారు.
Women Asia Cup: దుబాయ్ వేదికగా ముగిసిన మహిళా ఆసియా కప్ టోర్నమెంట్లో భారత జట్టు అద్భుత ప్రదర్శనతో ఛాంపియన్గా అవతరించింది. ఫైనల్ పోరులో శ్రీలంక జట్టును చిత్తు చేసిన మన క్రీడాకారిణులు అఖండ విజయాన్ని అందుకున్నారు. ఈ టోర్నీలో అత్యధిక పరుగులు సాధించిన బ్యాటర్ల జాబితాలో భారత ఓపెనర్లు అగ్రస్థానంలో నిలిచి ప్రత్యేక ఆకర్షణగా నిలిచారు. యంగ్ ఓపెనర్ షఫాలీ వర్మ ఆసియా కప్ టోర్నమెంట్ ఆసాంతం అద్భుతమైన బ్యాటింగ్తో అలరించింది. ఆడిన ఐదు మ్యాచ్లలో అద్భుతమైన సగటుతో మొత్తం 236 పరుగులు సాధించి టోర్నీలో అత్యధిక పరుగులు చేసిన బ్యాటర్గా నిలిచింది. ఆమె బ్యాట్ నుంచి మూడు అర్ధశతాకాలు రావడం విశేషం.
