Help News

30 ఏళ్ల వయసు దాటిన తర్వాత ఎముకలు బలహీనపడుతూ వస్తాయి. దీంతో తరచూ ఎముకల నొప్పి వేధిస్తుంది. ఇలా జరగకుండా ఉండాలంటే కాల్షియం, విటమిన్ డి వంటి పోషకాలు ఎక్కువగా ఉండే గింజలు, విత్తనాలు డైట్‌లో చేర్చుకోవడం చాలా అవసరం. ఈ నేపథ్యంలో 30 ఏళ్లలోనూ ఎముకలను బలంగా ఉంచే ఆ గింజలు ఏంటో తెలుసుకుందాం. అన్ని గింజలతో పోలిస్తే బాదం గింజల్లో కాల్షియం, మెగ్నీషియం చాలా ఎక్కువగా ఉంటాయి. కాబట్టి వయసు పెరిగినా ఎముకలు బలంగా ఉండాలంటే రోజూ నాలుగైదు బాదం గింజలు నానబెట్టి తినడం చాలా మంచిది. గుమ్మడి గింజల్లో మెగ్నీషియం, ఫాస్పరస్ ఎక్కువగా లభిస్తాయి. రోజూ గుప్పెడు గుమ్మడి గింజలు తినడం ద్వారా ఎముకలు పెలుసుబారకుండా చూసుకోవచ్చు. నువ్వుల్లో ఎముకల బలానికి సహాయపడే కాల్షియం, జింక్ ఎక్కువగా లభిస్తాయి. అందుకే పిల్లలతో పాటు పెద్దలు ఎముకలు బలానికి నువ్వులతో చేసిన ఆహారాలు తినడం చాలా మంచిది. చియా సీడ్స్‌లో కాల్షియంతో పాటు ఫాస్పరస్, ఒమెగా-3 ఫ్యాటీ యాసిడ్స్ వంటి పోషకాలు ఎక్కువగా ఉంటాయి. ఇవి ఎముకల బలాన్ని పెంచడంలో సహాయపడతాయి. వాల్‌నట్స్‌లో హెల్తీ ఫ్యాట్స్, మెగ్నీషియం మెండుగా ఉంటాయి. ఇవి ఎముకల బలాన్ని పెంచుతాయి. ఆస్టియోపోరోసిస్ రాకుండా కాపాడుతాయి. అవిసె గింజల్లో ఒమెగా-3 ఫ్యాటీ యాసిడ్స్ ఎక్కువగా ఉంటాయి. ఇవి శరీరంలో ఇంఫ్లమేషన్ తగ్గించి ఎముకలను బలంగా ఉంచుతాయి. పిస్తా గింజల్లో విటమిన్ బి6, పొటాషియం వంటి పోషకాలు చాలా ఎక్కువగా ఉంటాయి. రోజూ గుప్పెడు పిస్తా గింజలు తింటే ఎముకలను బలంగా ఉంచుకోవచ్చు. పొద్దుతిరుగుడు గింజల్లో మెగ్నీషియం, కాపర్, విటమిన్ ఇ వంటి ఆవశ్యక పోషకాలు ఉంటాయి. ఇవి ఎముకలను హెల్తీగా ఉంచుతాయి

Nepal Floods Missing Indians 2026 : నేపాల్-టిబెట్ సరిహద్దుల్లో చెలరేగిన వినాశకర ప్రళయం అంతులేని శోకాన్ని మిగుల్చింది. ఈ ఘోర ప్రమాదంలో ప్రాణాలు కోల్పోయిన వారి సంఖ్య వెయ్యి దాటగా.. 4,471 మంది ఆచూకీ ఇంకా లభ్యం కాలేదు. గల్లంతైన వారిలో కైలాస మానససరోవర యాత్రకు వెళ్లిన 275 మంది భారత పౌరులతో పాటు మరొక 128 మంది భారత సంతతి వ్యక్తులు ఉన్నారని విదేశాంగ శాఖ వెల్లడించింది. రోజురోజుకూ నదుల్లో మృతదేహాలు కొట్టుకొస్తుండటంతో నేపాల్ శవాగారాలన్నీ నిండిపోయి, మృతదేహాలను భద్రపరచడం, గుర్తించడం అధికారులకు అత్యంత సంక్లిష్టంగా మారింది. గుర్తింపు ప్రక్రియను వేగవంతం చేసేందుకు నేపాల్ ప్రభుత్వం బాధితుల వివరాలతో పవర్ పాయింట్ స్లైడ్‌షోలను కూడా సిద్ధం చేసింది.మృతదేహాల అప్పగింతకు 9 అంచెల ప్రక్రియ..ఈ విపత్కర పరిస్థితిలో మృతుల కుటుంబాలకు సహాయం అందించేందుకు ఖాఠ్మాండులోని భారత రాయబార కార్యాలయం ప్రత్యేక మార్గదర్శకాలను విడుదల చేసింది. నేపాల్ ప్రభుత్వం వెబ్‌సైట్‌లో విడుదల చేస్తున్న ఫోటోలు, వివరాల ద్వారా మృతదేహాలను గుర్తించిన పక్షంలో.. భౌతికకాయాలను స్వదేశానికి తరలించేందుకు స్థానిక అధికారులతో సమన్వయం చేస్తామని ఎంబసీ తెలిపింది. దీనికోసం నేపాల్ ప్రభుత్వం రూపొందించిన 9 అంచెల నిబంధనలను పాటించాల్సి ఉంటుంది. ముఖ్యంగా మృతదేహ అవశేషాల డాక్యుమెంటేషన్, లభ్యమైన ఫోటోలు, వివరాలను నమోదు చేయాలి. అలాగే పోస్టుమార్టం నిర్వహణ, మరణానికి గల కారణాల నిర్ధారణ, అధికారికంగా వ్యక్తి గుర్తింపు, వేలిముద్రలు, డీఎన్‌ఏ, ఫోరెన్సిక్ శాంపిళ్ల సేకరణ, మృతుడి పాస్‌పోర్ట్ లేదా ఐడీ వెరిఫికేషన్, ఎంబసీ లేదా కాన్సులర్ సమన్వయ ప్రక్రియ పూర్తి, హ్యాండోవర్ మెమో, రసీదుల ప్రక్రియను పూర్తి చేయాల్సి ఉంటుంది.అయితే వీటిని గుర్తించడానికి బాధితుల మొదటి శ్రేణి బంధువుల డీఎన్‌ఏ పోలిక తప్పనిసరి. బంధువులు తమ డిఎన్‌ఏ ప్రొఫైళ్లను dnacodis@nepalpolice.gov.np కి ఇమెయిల్ చేయవచ్చని లేదా నేరుగా రక్త నమూనాలను అందించవచ్చని సూచించారు. భారత ఎంబసీ సాయం కోసం కూడా ఈ వివరాలను eoikathmandufloodsupport@gmail.com కి కాపీ

నెయ్యిలో హెల్తీ ఫ్యాట్స్, కేలరీలు ఎక్కువగా ఉంటాయి. ఇవి హెల్తీగా బరువు పెరిగేందుకు సహాయపడతాయి. అందుకే బరువు పెరగాలని చూసేవారు వేడి అన్నం, పప్పుతో నెయ్యి కలిపి తింటే చాలా మంచిది. బర్రె పాలు లేదా ఆవు పాలు కొవ్వుతో పాటు తీసుకుంటే కావాల్సిన ప్రోటీన్, ఫ్యాట్స్, కేలరీలు అందుతాయి. తద్వారా బరువు పెరగవచ్చు. అయితే జీర్ణ సమస్యలు ఉంటే పాల పదార్థాలకు దూరంగా ఉండాలి. ఖర్జూరాల్లో నేచురల్ షుగర్, కేలరీలు ఎక్కువగా ఉంటాయి. అందుకే పాలలో ఖర్జూరాలు కలిపి తీసుకోవడం లేదా నేరుగా తీసుకోవడం ద్వారా బరువు పెరగవచ్చు. ఎండుద్రాక్ష (కిస్మిస్)లో కేలరీలు చాలా ఎక్కువగా ఉంటాయి. ఈ కిస్మిస్ తినడం ద్వారా సన్నగా ఉన్నవారు బరువు పెరగవచ్చు. బాదం, జీడిపప్పు లాంటి గింజల్లో హెల్తీ ఫ్యాట్స్, కేలరీలు ఎక్కువగా ఉంటాయి. వీటిని స్నాక్స్‌గా తీసుకుంటే బరువు పెరగవచ్చు. వేయించిన శనగ పిండిని నీళ్లు లేదా పాలతో కలిపి కొద్దిగా బెల్లం కలిపి సత్తు చేసుకోవచ్చు. ఇది ఎనర్జీ డ్రింక్ లాగా పనిచేసి బరువు పెంచడంలో సహాయపడుతుంది. అన్నం, పెసరపప్పుతో తయారుచేసే కిచిడిలో కార్బోహైడ్రేట్స్, ప్రోటీన్ ఎక్కువగా ఉంటాయి. వేడి వేడి కిచిడిలో నెయ్యి వేసుకుంటే తింటే బరువు పెరిగేందుకు సహాయపడుతుంది. చిలగడదుంపలో కాంప్లెక్స్ కార్బోహైడ్రేట్స్ ఎక్కువగా ఉంటాయి. ఇవి తక్షణ శక్తిని అందించడమే కాకుండా బరువు పెరిగేందుకు సహాయపడతాయి. పనీర్‌లో ప్రోటీన్, ఫ్యాట్, కేలరీలు ఎక్కువగా ఉంటాయి. ఇవి కండలు పెరిగేందుకు సహాయపడటమే కాకుండా బరువు పెరిగేలా చేస్తాయి