Sachin - Arjun: నైపుణ్యంతోపాటు ఓర్పు ప్రదర్శించావు: అర్జున్‌ ఎంట్రీపై సచిన్

ఇంటర్నెట్ డెస్క్‌: క్రికెట్ దిగ్గజం సచిన్ తెందుల్కర్‌ కుమారుడు అర్జున్ తెందుల్కర్‌కు ఐపీఎల్ 2026 సీజన్‌లో అవకాశం దక్కింది. లఖ్‌నవూ సూపర్ జెయింట్స్‌కు ప్రాతినిధ్యం వహించిన అతడికి తమ జట్టు చివరి లీగ్‌ మ్యాచ్‌లో ఆడే అవకాశం వచ్చింది. బ్యాటింగ్‌లో ఎనిమిదో స్థానంలో వచ్చిన అర్జున్ 5 బంతులు ఎదుర్కొని ఐదు పరుగులు చేశాడు. ఇంటర్నెట్ డెస్క్‌: క్రికెట్ దిగ్గజం సచిన్ తెందుల్కర్‌ కుమారుడు అర్జున్ తెందుల్కర్‌కు ఐపీఎల్ 2026 సీజన్‌లో అవకాశం దక్కింది. లఖ్‌నవూ సూపర్ జెయింట్స్‌కు ప్రాతినిధ్యం వహించిన అతడికి తమ జట్టు చివరి లీగ్‌ మ్యాచ్‌లో ఆడే అవకాశం వచ్చింది. బ్యాటింగ్‌లో ఎనిమిదో స్థానంలో వచ్చిన అర్జున్ 5 బంతులు ఎదుర్కొని ఐదు పరుగులు చేశాడు. ఇక బౌలింగ్‌లో 4 ఓవర్ల కోటాలో 36 పరుగులు ఇచ్చి ఒక వికెట్ పడగొట్టాడు. ఎల్‌ఎస్‌జీ బౌలర్లలో అర్జున్‌ ఎకానమీనే తక్కువ కావడం గమనార్హం. ఈ క్రమంలో తన కుమారుడి ప్రదర్శనపై సచిన్ సోషల్ మీడియా వేదికగా పోస్టు పెట్టారు. ‘‘వెల్‌డన్ అర్జున్. ఈ సీజన్‌లో నువ్వు వ్యవహరించిన తీరు పట్ల గర్వంగా ఉంది. నీ సామర్థ్యంపై నమ్మకముంది. అలాగే ఎంతో ఓర్పు ప్రదర్శించావు. చాలా కష్టపడ్డావు. తొలి అవకాశం కోసం వేచి చూశావు. క్రికెట్‌ కేవలం నైపుణ్యాన్ని మాత్రమే కాదు సహనాన్నీ పరీక్షిస్తుంది. నువ్వు అద్భుతంగా హ్యాండిల్ చేశావు. ఎప్పుడూ వినయంగా ఉండు. ఆటను ప్రేమిస్తూనే ఉండు. మేమంతా నిన్ను ఎప్పటికీ ప్రేమిస్తూనే ఉంటాం’’ అని సచిన్ పోస్టు చేశారు. తన తొలి ఓవర్‌లోనే షార్ప్‌ షార్ట్‌ డెలివరీతో ప్రభ్‌సిమ్రన్‌ను ఔట్ చేసినంత పనిచేశాడు. రిషభ్‌ పంత్‌ క్లిష్టమైన క్యాచ్‌ను డ్రాప్‌ చేయడంతో మొదటి ఓవర్‌లోనే వికెట్‌ తీసే అవకాశం చేజారింది. చివరికి ప్రభ్‌సిమ్రన్‌ను అర్జునే ఎల్బీగా పెవిలియన్‌కు చేర్చడం గమనార్హం. ‘‘నేను అర్జున్ తెందుల్కర్ నైపుణ్యం గురించి మాట్లాడను. కానీ, అతడి క్రికెటింగ్‌ ప్రయాణం చాలా కఠినమైంది. తన తండ్రితో పోలిస్తే అవకాశాలు పెద్దగా రావడం లేదు. ఈ సందర్భంగా అర్జున్ గురించి రెండే విషయాలు చెబుతా. అతడు చాలా కష్టపడే వ్యక్తి. అలాగే పోటీ నుంచి ఎప్పుడూ వెనకడుగు వేసే రకం కాదు. తాను వేసే ఓవర్‌లో నాలుగు ఫోర్లు లేదా సిక్స్‌లు కొట్టినా సరే.. ధైర్యంగా బంతి వేయగల ప్లేయర్. ఈ కుర్రాడికి నేనిచ్చే క్రెడిట్ ఇదే’’ అని అశ్విన్‌ వెల్లడించాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.