మళ్లీ సినిమాల్లో నటిస్తున్న జయం రవి... 'బెంజ్'లో కీలక పాత్ర

ప్రముఖ నటుడు జయం రవి అభిమానులకు శుభవార్త. కొద్ది రోజుల క్రితమే వ్యక్తిగత కారణాలతో నటనకు తాత్కాలికంగా విరామం ఇస్తున్నట్లు ప్రకటించిన ఆయన, ఇప్పుడు అనూహ్యంగా లోకేశ్ కనగరాజ్ సినిమాటిక్ యూనివర్స్ (LCU)లో అడుగుపెట్టారు. ఇందులో భాగంగా రాఘవ లారెన్స్ హీరోగా వస్తున్న 'బెంజ్' చిత్రంలో జయం రవి ఒక ముఖ్య పాత్ర పోషిస్తున్నట్లు అధికారికంగా వెల్లడైంది.ఇవాళ దర్శకుడు లోకేశ్ కనగరాజ్ స్వయంగా ఈ విషయాన్ని ప్రకటించారు. 'బెంజ్' షూటింగ్ స్పాట్‌లో రవితో దిగిన ఫోటోలను సోషల్ మీడియాలో పంచుకుంటూ, "LCUలోకి స్వాగతం" అని పేర్కొన్నారు. ఈ చిత్ర కథానాయకుడు రాఘవ లారెన్స్ కూడా జయం రవికి సాదర స్వాగతం పలికారు.కొద్ది రోజుల క్రితమే జయం రవి ఓ మీడియా సమావేశంలో తీవ్ర భావోద్వేగానికి గురయ్యారు. తన భార్య ఆర్తి రవితో విడాకుల ప్రక్రియ పూర్తయ్యే వరకు, తనపై జరుగుతున్న సైబర్ వేధింపులు ఆగే వరకు ఏ సినిమాలోనూ నటించనని కన్నీటితో స్పష్టం చేశారు. అదే సమయంలో గాయని కెనీషా ఫ్రాన్సిస్‌తో తన బ్రేకప్‌ను కూడా అంగీకరించారు.ఈ ప్రకటన చేసిన కొద్ది రోజులకే ఆయన 'బెంజ్' సెట్లో కనిపించడంతో అందరూ ఆశ్చర్యపోతున్నారు. బక్కియరాజ్ కన్నన్ దర్శకత్వం వహిస్తున్న ఈ చిత్రంలో నివిన్ పౌలీ విలన్‌గా నటిస్తున్నారు. 'ఖైదీ', 'విక్రమ్', 'లియో' చిత్రాల మాదిరిగానే డ్రగ్ మాఫియా నేపథ్యంలో ఈ సినిమా ఉండనుంది. ఇంత త్వరగా రవి తన నిర్ణయాన్ని ఎలా మార్చుకున్నారని, ఆయన వ్యక్తిగత సమస్యలు పరిష్కారమయ్యాయా అని అభిమానులు సోషల్ మీడియాలో చర్చించుకుంటున్నారు. ప్రముఖ నటుడు జయం రవి అభిమానులకు శుభవార్త. కొద్ది రోజుల క్రితమే వ్యక్తిగత కారణాలతో నటనకు తాత్కాలికంగా విరామం ఇస్తున్నట్లు ప్రకటించిన ఆయన, ఇప్పుడు అనూహ్యంగా లోకేశ్ కనగరాజ్...