టెట్ అభ్యర్థులకు గుడ్ న్యూస్.. జూన్ 16 నుంచి ఎగ్జామ్స్, షెడ్యూల్ లింక్ ఇదే

రేణుక గొడుగు జీ తెలుగు డిజిటల్ మీడియాలో సబ్ ఎడిటర్‌గా 2024 నుంచి పనిచేస్తున్నారు. హెల్త్‌, లైఫ్‌స్టైల్‌, ఆస్ట్రోలజీ, బ్రేకింగ్, వైరల్‌ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది. Telangana TET 2026 schedule released: తెలంగాణ టెట్ షెడ్యూల్ ప్రకారం.. ఈ పరీక్షలు 2026 జూన్ 16 నుండి 22 వరకు వివిధ సెషన్లలో నిర్వహించబడతాయి. మొత్తంగా ఐదు రోజుల పాటు ఈ పరీక్షలు కొనసాగుతాయి. స్కూల్ ఎడ్యుకేషన్ డిపార్ట్‌మెంట్ ఈ షెడ్యూల్‌కు సంబంధించిన పూర్తి సమాచారాన్ని అధికారికంగా విడుదల చేసింది. రాష్ట్రవ్యాప్తంగా వివిధ కేంద్రాల్లో కంప్యూటర్ ఆధారితంగా జరగబోయే ఈ తెలంగాణ టెట్ పరీక్షలు, మొత్తం ఐదు రోజుల పాటు 10 సెషన్లలో నిర్వహించనున్నారు. ప్రతిరోజూ రెండు షిఫ్టులుగా ఈ పరీక్షలు జరుగుతాయి. మొదటి సెషన్ ఉదయం 9:00 నుండి 11:30 వరకు, రెండో సెషన్ మధ్యాహ్నం 2:00 నుండి సాయంత్రం 4:30 వరకు ఉంటుంది. స్కూల్ ఎడ్యుకేషన్ డిపార్ట్‌మెంట్ టైమ్ టేబుల్, ఇతర వివరాలను అధికారిక వెబ్‌సైట్‌లో అందుబాటులో ఉంచింది. పరీక్ష రాసే అభ్యర్థులు వెబ్‌సైట్‌ https://schooledu.telangana.gov.in/SCHOOLEDUCATION/ లోని వివరాలను జాగ్రత్తగా చదువుకోవాలి. పరీక్షల టైమ్ టేబుల్ వివరాలు... జూన్ 16వ తేదీన మొదటి సెషన్‌లో పేపర్ వన్ మ్యాథ్స్ & సైన్స్ నిర్వహించగా, రెండో షిఫ్టులో కూడా పేపర్ వన్ మ్యాథ్స్ & సైన్స్ ఉంటుంది. జూన్ 17వ తేదీన పేపర్ వన్ మ్యాథ్స్ & సైన్స్, మధ్యాహ్న సమయాల్లో పేపర్ 2 మ్యాథ్స్ & సైన్స్ నిర్వహించనున్నారు. జూన్ 18వ తేదీన మధ్యాహ్నం పేపర్ 2 మ్యాథ్స్ & సైన్స్ పరీక్ష ఉంటుంది. జూన్ జూన్ 19వ తేదీన పేపర్ 2 సోషల్ స్టడీస్‌కు సంబంధించిన పరీక్షలు ఉదయం, మధ్యాహ్నం సమయాల్లో జరగనున్నాయి. జూన్ 22వ తేదీన పేపర్ 2 మైనారిటీ లాంగ్వేజ్ (హిందీ, కన్నడ, ఉర్దూ, మరాఠీ, సంస్కృతం) పరీక్ష ఉంటుంది. అదే రోజు మధ్యాహ్న సమయాల్లో పేపర్ 1 మైనారిటీ లాంగ్వేజ్ (హిందీ, కన్నడ, తమిళ్, ఉర్దూ, మరాఠీ, సంస్కృతం) పరీక్ష నిర్వహించబడుతుంది. Also Read: నీట్ విద్యార్థులకు గుడ్‌న్యూస్‌.. చరిత్రలోనే తొలిసారి.. రంగంలోకి ప్రధాని మోదీ, ఎయిర్‌ఫోర్స్ హెల్ప్ కూడా? తెలంగాణ టెట్ పరీక్ష కోసం మొత్తం 1,36,418 మంది అభ్యర్థులు దరఖాస్తు చేసుకున్నారు. వీరికి జూన్ నెలలో రాష్ట్రవ్యాప్తంగా పరీక్షలు జరుగుతాయి. ఇందులో పేపర్ 1 కోసం 32,779 మంది, పేపర్ 2 కోసం 86,345 మంది దరఖాస్తు చేసుకోగా, రెండు పేపర్లకు కలిపి 1,73,334 మంది అభ్యర్థులు ఉన్నారు. వీరిలో 28,149 మంది ఇన్-సర్వీస్ ప్రభుత్వ ఉపాధ్యాయులు కూడా ఈ అర్హత పరీక్ష రాయనున్నారు. తెలంగాణ అధికారిక వెబ్‌సైట్ SCERT లో టైమ్ టేబుల్, ఇతర పూర్తి వివరాలు అందుబాటులో ఉన్నాయి. దీనికి సంబంధించిన నోటిఫికేషన్‌ను కూడా అభ్యర్థులు అధికారిక సైట్‌లో చూడవచ్చు. పరీక్షకు హాజరయ్యే వారు ఈ నోటిఫికేషన్‌ను క్షుణ్ణంగా పరిశీలించి పరీక్షలకు హాజరుకావాలి. స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి. ఆండ్రాయిడ్ లింక్ - https://bit.ly/3P3R74U Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి