పర్సనల్ కంప్యూటర్లలోకి ఎన్విడియా చిప్ లు.. విండోస్ ల్యాప్ టాప్ మార్కెట్లోకి ప్రవేశం

ఇంటర్నెట్‌డెస్క్‌: టెక్‌ దిగ్గజం ఎన్విడియా (Nvidia) తాజాగా పీసీ మార్కెట్లోకి ప్రవేశిస్తున్నట్లు ప్రకటించింది. తైవాన్‌లో జరుగుతోన్న కంప్యూటెక్‌ ట్రేడ్‌ షో వేదికగా ఆ కంపెనీ సీఈవో జెన్సన్‌ హువాంగ్‌ ఈ విషయాన్ని ప్రకటించారు. ఇప్పటికే ఈ రంగంలో పట్టు కోల్పోతోన్న ఇంటెల్‌ కార్పొరేషన్‌ నుంచి మార్కెట్‌ షేర్‌ను దక్కించుకోవాలనే లక్ష్యంతో ఎన్విడియా ఈ దిశగా అడుగులు వేసినట్లు తెలుస్తోంది. ఎన్విడియా త్వరలోనే తన సరికొత్త ‘ఆర్టీఎక్స్‌ స్పార్క్‌ సూపర్‌ చిప్‌’ను ప్రముఖ పీసీ బ్రాండ్స్‌కు చెందిన ల్యాప్‌టాప్‌, డెస్క్‌టాప్‌ల్లో అందుబాటులోకి తీసుకురానుంది. మైక్రోప్రాసెసర్‌, గ్రాఫిక్స్‌ చిప్‌ను కలిపి దీనిని రూపొందించినట్లు జెన్సన్‌ హువాంగ్‌ వెల్లడించారు. తైవాన్‌ మీడియాటెక్‌ ఐఎన్‌సీ సహకారంతో దీనిని తయారు చేస్తున్నట్లు తెలిపారు. ఇది ఆర్మ్‌ ఆపరేటింగ్‌ సిస్టమ్‌ ఆధారిత మైక్రోసాఫ్ట్‌ విండోస్‌ను రన్‌ చేస్తుంది. ఎన్విడియా ఇప్పటికే డేటా సెంటర్ల మార్కెట్లో అత్యంత కీలకమైంది. తాజాగా పర్సనల్‌ కంప్యూటర్ల రంగంలోకి అడుగు పెట్టడంతో ఇప్పటికే ఉన్న కంపెనీలకు తీవ్రమైన పోటీ ఇవ్వనుంది. దాదాపు దశాబ్దం క్రితం ఈ మార్కెట్లోకి ప్రవేశించేందుకు ఎన్విడియా చేసిన ప్రయత్నాలు విఫలం అయ్యాయి. ఈ సారి మాత్రం తన స్థానాన్ని సుస్థిరం చేసుకొనేందుకు ప్రత్యర్థుల కంటే అధిక మొత్తంలో ఆర్థిక వనరులను కేటాయించగలిగే స్థితిలో ఉంది. ఇక, ఈ ప్రయత్నంతో కృత్రిమ మేధ అభివృద్ధి, వినియోగంలో కూడా తాను కేంద్రంగా కొనసాగేందుకు ఎన్విడియాకు అవకాశం లభిస్తుంది. ప్రీమియం సెగ్మెంట్‌ను లక్ష్యంగా చేసుకొని ఆర్టీఎక్స్‌ స్పార్క్‌ చిప్‌ల ల్యాప్‌టాప్‌లను తొలుత సిద్ధం చేసే అవకాశం ఉంది. ఈ చిప్‌ వినియోగంతో అత్యంత నాజుకుగా ఉండే శక్తిమంతమైన కంప్యూటర్లను తయారు చేసే అవకాశం పీసీ తయారీదారులకు లభించనుంది. మైక్రోసాఫ్ట్‌ తన అత్యాధునిక సర్ఫేస్‌ ల్యాప్‌టాప్‌ అల్ట్రాను ఆవిష్కరించింది. ఎన్విడియా నుంచి మైక్రోసాఫ్ట్‌ తన అత్యాధునిక సర్ఫేస్‌ ల్యాప్‌టాప్‌ అల్ట్రాను ఆవిష్కరించింది. ఎన్విడియా నుంచి పీసీ మార్కెట్‌పై ప్రకటన వెలువడిన కొద్దిసేపటికే ఈ పరిణామం చోటు చేసుకోవడం గమనార్హం. దీనిలో తొలిసారిగా ఎన్విడియా చిప్‌ను వాడినట్లు మైక్రోసాఫ్ట్‌ పేర్కొంది. తాము రూపొందించిన అతి శక్తిమంతమైన సర్ఫేస్‌ ల్యాప్‌టాప్‌ ఇదే అని తెలిపింది. అయితే దీని ధరకు సంబంధించి ఎటువంటి వివరాలను మైక్రోసాఫ్ట్‌ వెల్లడించలేదు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd,All rights reserved. Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted. This website follows the DNPA Code of Ethics. ఇంటర్నెట్‌డెస్క్‌: టెక్‌ దిగ్గజం ఎన్విడియా (Nvidia) తాజాగా పీసీ మార్కెట్లోకి ప్రవేశిస్తున్నట్లు ప్రకటించింది. తైవాన్‌లో జరుగుతోన్న కంప్యూటెక్‌ ట్రేడ్‌ షో వేదికగా ఆ కంపెనీ సీఈవో...