ఐపీఎల్ముగిసింది.. జూన్ 6 నుంచే నాన్ స్టాప్ క్రికెట్ ధమాకా.. పూర్తి షెడ్యూల్ ఇదే

Team India : క్రికెట్ ప్రేమికులను రెండు నెలల పాటు ఉర్రూతలూగించిన ఐపీఎల్ 2026 సీజన్ ముగిసింది. ఫైనల్ మ్యాచ్‌లో గుజరాత్ టైటాన్స్‌ను ఓడించి రాయల్ ఛాలెంజర్స్ బెంగళూరు (RCB) వరుసగా రెండోసారి ట్రోఫీని కైవసం చేసుకుంది. ఈ లీగ్‌లో కింగ్ విరాట్ కోహ్లీ అజేయంగా 75 పరుగులు చేసి ఆర్‌సీబీని గెలిపించి తన సత్తా చాటాడు. అయితే ఐపీఎల్ వినోదం ముగియడంతో ఇక ఫ్యాన్స్ అందరి కళ్ళు అంతర్జాతీయ క్రికెట్‌పై పడ్డాయి. గత మార్చి నెలలో టీ20 వరల్డ్ కప్ గెలిచిన తర్వాత టీమ్ ఇండియా ఆటగాళ్లు ఐపీఎల్‌లో బిజీగా ఉండటం వల్ల ఎలాంటి అంతర్జాతీయ మ్యాచ్‌లు ఆడలేదు. కానీ ఇప్పుడు ఐపీఎల్ ముగియడంతో వారం తిరక్కుండానే జూన్ 6 నుంచి భారత జట్టు మళ్లీ రంగంలోకి దిగుతోంది. రాబోయే రోజుల్లో భారత్ ఆడబోయే నెక్స్ట్ సిరీస్‌ల కంప్లీట్ వివరాలు, ఫుల్ షెడ్యూల్ ఇప్పుడు వివరంగా చూద్దాం. అఫ్గానిస్తాన్‌తో తొలి పోరు.. న్యూ చండీగఢ్‌లో వేదిక ఐపీఎల్ ముగిసిన వెంటనే ఏమాత్రం గ్యాప్ లేకుండా శుభ్‌మన్ గిల్ వంటి స్టార్ ప్లేయర్లతో కూడిన టీమిండియా జూన్ 6 నుంచి మైదానంలోకి అడుగుపెట్టబోతోంది. దీనికి న్యూ చండీగఢ్ వేదిక కానుంది. జూన్ 6 నుంచి జూన్ 10 వరకు భారత్, అఫ్గానిస్తాన్ జట్ల మధ్య ఒకే ఒక్క చారిత్రాత్మక టెస్ట్ మ్యాచ్ జరగనుంది. ఈ టెస్ట్ మ్యాచ్ ముగిసిన వెంటనే జూన్ 13 నుంచి జూన్ 20 వరకు ఈ రెండు జట్ల మధ్య 3 మ్యాచ్‌ల వన్డే సిరీస్ జరగబోతోంది. ఈ సిరీస్‌తో భారత్ లాంగ్ ఇంటర్నేషనల్ సీజన్‌కు శ్రీకారం చుట్టనుంది. అఫ్గానిస్తాన్ సిరీస్ పూర్తి కాగానే టీమ్ ఇండియా విదేశీ పర్యటనలకు బయలుదేరుతుంది. అఫ్గానిస్తాన్ సిరీస్ పూర్తి కాగానే టీమ్ ఇండియా విదేశీ పర్యటనలకు బయలుదేరుతుంది. జూన్ 26 నుంచి జూన్ 29 వరకు ఐర్లాండ్ పర్యటనలో భాగంగా భారత్ 2 టీ20 మ్యాచ్‌లు ఆడనుంది. ఆ వెంటనే జూలై నెలలో ఇంగ్లాండ్‌తో భారీ సిరీస్ షెడ్యూల్ అయింది. జూలై 1 నుంచి జూలై 11 వరకు ఇంగ్లాండ్ గడ్డపై 5 మ్యాచ్‌ల భారీ టీ20 సిరీస్, ఆ తర్వాత జూలై 14 నుంచి జూలై 19 వరకు 3 మ్యాచ్‌ల వన్డే సిరీస్ జరగనున్నాయి. ఈ ఇంగ్లాండ్ పర్యటన భారత జట్టుకు అత్యంత ప్రతిష్టాత్మకం కానుంది. జింబాబ్వే, శ్రీలంక పర్యటనలు ఇంగ్లాండ్ టూర్ ముగిసిన వెంటనే జూలై 23 నుంచి జూలై 26 వరకు జింబాబ్వే దేశంలో భారత్ 3 టీ20 మ్యాచ్‌ల సిరీస్ ఆడనుంది. ఇక ఆగస్టు నెలలో టీమిండియా పొరుగు దేశమైన శ్రీలంకలో పర్యటించాల్సి ఉంది. లంకతో భారత్ 2 టెస్ట్ మ్యాచ్‌లు, అలాగే 3 టీ20 మ్యాచ్‌లు ఆడుతుంది. అయితే ఈ శ్రీలంక పర్యటనకు సంబంధించిన ఖచ్చితమైన తేదీలను త్వరలోనే అధికారికంగా ప్రకటించనున్నారు. టీమిండియా ఇంటర్నేషనల్ క్రికెట్ ఫుల్ షెడ్యూల్ 2026 జూన్ 2026: జూన్ 6 – 10: భారత్ వర్సెస్ అఫ్గానిస్తాన్ – ఏకైక టెస్ట్ మ్యాచ్ (న్యూ చండీగఢ్) జూన్ 13 – 20: భారత్ వర్సెస్ అఫ్గానిస్తాన్ – 3 మ్యాచ్‌ల వన్డే సిరీస్ జూన్ 26 – 29: భారత్ టూర్ ఆఫ్ ఐర్లాండ్ – 2 టీ20 మ్యాచ్‌ల సిరీస్ జూలై 2026: జూలై 1 – 11: భారత్ టూర్ ఆఫ్ ఇంగ్లాండ్ – 5 టీ20 మ్యాచ్‌ల సిరీస్ జూలై 14 – 19: భారత్ టూర్ ఆఫ్ ఇంగ్లాండ్ – 3 వన్డే (ODI) సిరీస్ జూలై 23 – 26: భారత్ టూర్ ఆఫ్ జింబాబ్వే – 3 టీ20 మ్యాచ్‌ల సిరీస్ ఆగస్టు 2026: ఆగస్టు (తేదీలు ఖరారు కావాలి): భారత్ టూర్ ఆఫ్ శ్రీలంక – 2 టెస్టులు, 3 టీ20 మ్యాచ్‌ల సిరీస్ సెప్టెంబర్, అక్టోబర్ 2026: సెప్టెంబర్ 17 – అక్టోబర్ 3: ఏషియన్ గేమ్స్ 2026 (జపాన్) – టీ20 ఫార్మాట్ (యువ జట్టుకు అవకాశం) సెప్టెంబర్ 27 – అక్టోబర్ 3: భారత్ వర్సెస్ వెస్టిండీస్ – 3 మ్యాచ్‌ల వన్డే (ODI) సిరీస్ अక్టోబర్ 6 – 17: భారత్ వర్సెస్ వెస్టిండీస్ – 5 మ్యాచ్‌ల టీ20 సిరీస్ అక్టోబర్ నుంచి డిసెంబర్ 2026: అక్టోబర్ 22 – డిసెంబర్: భారత్ టూర్ ఆఫ్ న్యూజిలాండ్ – 2 టెస్టులు, 5 వన్డేలు, 5 టీ20 మ్యాచ్‌ల సిరీస్ Team India : క్రికెట్ ప్రేమికులను రెండు నెలల పాటు ఉర్రూతలూగించిన ఐపీఎల్ 2026 సీజన్ ముగిసింది. ఫైనల్ మ్యాచ్‌లో గుజరాత్ టైటాన్స్‌ను ఓడించి రాయల్ ఛాలెంజర్స్ బెంగళూరు (RCB) వరుసగా...