తెలంగాణ ఆవిర్భావ వేడుకలకు భారీ బందోబస్తు.. పరేడ్ గ్రౌండ్స్ పరిసరాల్లో ట్రాఫిక్ మళ్లింపులు

హైదరాబాద్‌: తెలంగాణ ఆవిర్భావ దినోత్సవానికి మల్కాజిగిరి పోలీసులు భారీ బందోబస్తు ఏర్పాటు చేస్తున్నారు. సికింద్రాబాద్‌లోని పరేడ్‌గ్రౌండ్స్‌లో మంగళవారం నిర్వహించే ఈ కార్యక్రమంలో సీఎం రేవంత్‌రెడ్డి ముఖ్య అతిథిగా పాల్గొంటారు. ఆయనతో పాటు దాదాపు 6 వేల మంది అతిథులు హాజరవుతున్న నేపథ్యంలో అవాంఛనీయ ఘటనలకు ఆస్కారం లేకుండా 1,140 మందితో బందోబస్తు ఏర్పాట్లు చేస్తున్నారు. ముగ్గురు డీసీపీలు, నలుగురు అదనపు డీసీపీలు, 8 మంది ఏసీపీలు, 49 మంది ఇన్‌స్పెక్టర్లు, 88 మంది ఎస్సైలు, 723 మంది ఏఎస్సైలు, హెడ్‌కానిస్టేబుల్, కానిస్టేబుళ్లు, హోంగార్డులు విధుల్లో పాల్గొంటున్నారు. ఈ కార్యక్రమానికి హాజరయ్యే అతిథులు ఉదయం 7.30 గంటల్లోపే ప్రాంగణానికి చేరుకోవాలని మల్కాజిగిరి కమిషనర్‌ బి.సుమతి సోమవారం ఓ ప్రకటనలో సూచించారు. పరేడ్‌గౌండ్స్‌లో మొత్తం 12 గేట్లు ఏర్పాటు చేశామని, కేటాయించిన పాస్‌ల ఆధారంగా అతిథులు నిర్దేశిత గేట్ల ద్వారా లోపలికి రావాలని సూచించారు. ఆహ్వానితులు కచ్చితంగా పాస్‌లు తీసుకురావాలన్నారు. పరేడ్‌గ్రౌండ్స్‌లో 55 సీసీ కెమెరాలు ఏర్పాటు చేసి నిఘా పెట్టినట్లు వివరించారు. పరేడ్‌గ్రౌండ్స్‌ సమీప ప్రాంతాల్లో నిషేధాజ్ఞలు అమల్లో ఉంటాయని కమిషనర్‌ పేర్కొన్నారు. బేగంపేట, బోయిన్‌పల్లి, మారేడ్‌పల్లి పోలీస్‌స్టేషన్ల పరిధిలో పారాగ్లైడర్లు, తేలికపాటి ఎయిర్‌క్రాఫ్టులు, ఆయుధాలు, పదునైన, మండే స్వభావమున్న వస్తువులు, డ్రోన్లు, లేజర్‌ లైట్లు తదితర వస్తువులపై నిషేధముందని వివరించారు. మంగళవారం ఉదయం 7 నుంచి 12 గంటల వరకు పరేడ్‌గ్రౌండ్స్‌ పరిసర ప్రాంతాల్లో ట్రాఫిక్‌ మళ్లింపులు ఉంటాయన్నారు. బేగంపేట, సికింద్రాబాద్, తిరుమలగిరి, బోయిన్‌పల్లి, ట్యాంక్‌బండ్‌ తదితర ప్రాంతాల గుండా ప్రయాణించేవారు ప్రత్యామ్నాయం చూసుకోవాలని సూచించారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd,All rights reserved. Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted. This website follows the DNPA Code of Ethics. హైదరాబాద్‌: తెలంగాణ ఆవిర్భావ దినోత్సవానికి మల్కాజిగిరి పోలీసులు భారీ బందోబస్తు ఏర్పాటు చేస్తున్నారు. సికింద్రాబాద్‌లోని పరేడ్‌గ్రౌండ్స్‌లో మంగళవారం నిర్వహించే ఈ కార్యక్రమంలో సీఎం...