మెటా ఏఐ బాట్ వాడి.. ఇన్ స్టాగ్రామ్ ఖాతాల హ్యాక్

ఇంటర్నెట్‌డెస్క్‌: మన వేలితో మన కన్నునే పొడవటం అంటే ఏమిటో టెక్‌ దిగ్గజం మెటాకు తెలిసొచ్చింది. దాని టూల్‌ను వాడి దాని సోషల్‌ మీడియా కంపెనీలోని హైప్రొఫైల్‌ ఖాతాలను హ్యాక్‌ చేశారు. మెటాకు చెందిన ఏఐ సపోర్ట్‌ చాట్‌బాట్‌ను వాడుకొని.. హ్యాకర్లు ఇన్‌స్టాగ్రామ్‌లోని హైప్రొఫైల్‌ ఖాతాలను హ్యాక్‌ చేశారు. ఈ విషయాన్ని సోమవారం మెటా కూడా అంగీకరించింది. తమ రీసెర్చర్లు ఈ లోపాలను బయటపెట్టాక వాటిని సరిచేసినట్లు వివరణ ఇచ్చింది. ఇన్‌స్టాగ్రామ్‌లో యూజర్లు తమ ఖాతాలను పునరుద్ధరించుకోవడానికి సాయం చేసేలా మెటా ఏఐ అసిస్టెంట్‌ను ఏర్పాటుచేసింది. దీనిని తప్పుదోవ పట్టించి ఇన్‌స్టా ఖాతాల్లో చొరబడవచ్చని జాక్‌ఎక్స్‌బీటీ, డార్క్‌ వెబ్‌ ఇన్ఫార్మర్‌ అనే సైబర్‌ భద్రతా నిపుణులు ఇటీవల బయటపెట్టారు. దీంతో ఈ విషయం సంచలనంగా మారింది. ఈ లోపం వల్ల ప్రభావితమైన ఖాతాల్లో అమెరికా మాజీ అధ్యక్షుడు బరాక్‌ ఒబామా సమయంలో వాడిన వైట్‌హౌస్‌ ఖాతా, అమెరికా స్పేస్‌ఫోర్స్‌ చీఫ్‌ మాస్టర్‌ సార్జెంట్‌ జాన్‌ బెంటివెగ్నా, సౌందర్య ఉత్పత్తుల రీటైలర్‌ సెఫోరా ఖాతాలు ఉన్నాయి. హ్యాకర్లు టార్గెట్‌ చేసిన ఖాతాలను కొత్త ఈమెయిల్‌కు ఏఐ అసిస్టెంట్‌ సాయంతో లింక్‌ చేయించి.. వెరిఫికేషన్లు సంపాదించారు. తిరిగి ఆ కోడ్‌ వాడి సదరు ఖాతా పాస్‌వర్డ్‌ను రీసెట్‌ చేస్తున్నారు. దీంతో ఆ ఖాతా హ్యాకర్‌ అధీనంలోకి వెళుతోంది. అయితే ఈ సమస్యను తాము సరిచేసినట్లు తాజాగా మెటా వెల్లడించింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd,All rights reserved. Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted. This website follows the DNPA Code of Ethics.