భారత్ పై అమెరికా మరో బాంబ్ .. 12.5శాతం అదనపు సుంకాలకు ప్రతిపాదన

వాషింగ్టన్‌: భారత్‌ సహా ప్రపంచవ్యాప్తంగా పలు దేశాలపై అమెరికా మరోసారి సుంకాలతో విరుచుకుపడేందుకు సిద్ధమైంది. వెట్టిచాకిరీ నిర్మూలనలో విఫలమైనందుకు గానూ ఆ దేశాలపై అదనపు సుంకాలు విధించాలని యూఎస్‌ ట్రేడ్‌ రిప్రజెంటేటివ్‌ (USTR) ప్రతిపాదించింది. భారత్‌తో పాటు మొత్తంగా 60 దేశాలపై ఈ సుంకాలు విధించాలని (US Tariffs on India) ప్రతిపాదనలు చేసింది. ఇందులో అత్యధిక దేశాలపై 12.5శాతం, మిగతా వాటిపై 10శాతం సుంకం విధించాలని సూచించింది. ‘‘వెట్టిచాకిరీ చేసే కార్మికులు తయారుచేసిన దిగుమతులపై నిషేధం విధించి, వాటిని అమలుచేయడంలో పలు దేశాలు విఫలమయ్యాయి. మా వాణిజ్య భాగస్వామ్య దేశాలు కూడా దీనిని అరికట్టలేకపోవడం ఎంతమాత్రం ఆమోదయోగ్యం కాదు. వెట్టిచాకిరీ కారణంగా అంతర్జాతీయ లేబర్‌ మార్కెట్లో అమెరికా కార్మికులకు తీవ్ర పోటీ ఎదురవుతోంది. అసమానతలను మేం ఇక సహించలేం’’ అని యూఎస్‌ ట్రేడ్ రిప్రజెంటేటివ్‌ అంబాసిడర్ జెమీసన్‌ గ్రీర్‌ ఓ ప్రకటనలో వెల్లడించారు. ఈ ఆరోపణలకు సంబంధించి మొత్తం 60 దేశాలపై యూఎస్‌టీఆర్‌ దర్యాప్తు జరిపింది. అనంతరం 54 దేశాలపై 12.5 శాతం అదనపు సుంకాలను ప్రతిపాదించింది. వీటిల్లో భారత్‌తో పాటు చైనా, జపాన్‌, బ్రెజిల్‌, ఆస్ట్రేలియా, యూకే, సౌదీ అరేబియా తదితర దేశాలున్నాయి. ఇక, కెనడా, ఈక్వెడార్‌, ఈయూ, ఇండోనేసియా, మెక్సికో, పాకిస్థాన్‌ దేశాలు నిషేధం విధించినప్పటికీ.. వాటిని సమర్థవంతంగా అమలు చేయలేకపోయాయని ఆరోపించింది. అందువల్ల ఆయా దేశాలపై 10శాతం అదనపు సుంకాలు విధించాలని ప్రతిపాదించింది. ఈ సుంకాలపై చర్చించేందుకు ఆయా దేశాలు జూన్‌ 22లోగా తమను సంప్రదించొచ్చని సూచించింది. కాగా.. ఈ ఆరోపణలను భారత్‌ తీవ్రంగా ఖండించింది. ఇలాంటి వాటిని ద్వైపాక్షిక వాణిజ్య చర్చల్లో పరిష్కరించుకోవాలని స్పష్టం చేసింది. తమ దేశంపై దర్యాప్తును నిలిపివేయాలని డిమాండ్‌ చేసింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd,All rights reserved. Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted. This website follows the DNPA Code of Ethics. వాషింగ్టన్‌: భారత్‌ సహా ప్రపంచవ్యాప్తంగా పలు దేశాలపై అమెరికా మరోసారి సుంకాలతో విరుచుకుపడేందుకు సిద్ధమైంది. వెట్టిచాకిరీ నిర్మూలనలో విఫలమైనందుకు గానూ ఆ దేశాలపై అదనపు సుంకాలు...