వీడెవడండీ బాబూ.. వెనుక రైలు వస్తున్నా నడుస్తూనే ఉన్నాడు

రైలు హారన్ సౌండ్ వినపడగానే ఎవరికైనా గుండెలదురుతాయి. ఎంతటివారైనా సరే భయంతో రైలు పట్టాలకు దూరంగా జరుగుతారు. కానీ ముంబైలో మాత్రం ఓ వ్యక్తి ఏకంగా రైలు ముందే.. అది కూడా పట్టాలపై అత్యంత తాపీగా నడుస్తూ అందరికి షాకిచ్చాడు. లోకో పైలట్ ఎంత గట్టిగా హారన్ కొడుతున్నా ఏమాత్రం పట్టించుకోని అతనికి సంబంధించిన వీడియో ఇప్పుడు సోషల్ మీడియాను ఊపేస్తోంది. ముంబై లోని ఓ రైల్వే స్టేషన్ ‌నుంచి లోకల్ ట్రైన్ బయలుదేరిన కొద్దిసేపటికే ఈ ఘటన జరిగింది. రైలు కొద్ది దూరం వెళ్లగానే పట్టాలపై ఓ వ్యక్తి నడుస్తూ కనిపించాడు. అది గమనించిన లోకో పైలట్ అప్రమత్తమై వెంటనే రైలు వేగాన్ని తగ్గించాడు. ఆ వ్యక్తిని పట్టాల పైనుంచి పక్కకు తప్పుకోవాలంటూ నిరంతరాయంగా హారన్ కొడుతూ సంకేతాలు ఇచ్చాడు. అయితే, ఆ వ్యక్తిలో ఏమాత్రం చలనం లేదు. వెనకాలే రైలు వస్తున్నా, హారన్ మోత మోగుతున్నా దర్జాగా నడుస్తూనే ఉన్నాడు. ట్రైన్‌లో ఉన్న ప్రయాణికులు ఆ దృశ్యాన్ని చూసి షాకయ్యారు. ఏ క్షణంలో ఏం జరుగుతుందోనని ఆశ్చర్యంతో చూస్తూ ఉండిపోయారు. కొంతమంది ఈ వింతను తమ మొబైల్ ఫోన్‌లలో వీడియోలు తీసి సోషల్ మీడియాలో పోస్ట్ చేయడంతో అది కాస్తా వైరల్‌గా మారింది. వీడియోపై నెటిజన్లు రకరకాలుగా స్పందిస్తూ ఫన్నీ కామెంట్లు పెడుతున్నారు. “ఆ రోజు ఆ రైలు ఎందుకు ఆలస్యమైందో నాకిప్పుడు అర్థమైంది” అని ఒకరు కామెంట్ చేసారు..”అది బోరివిలి వెళ్లే ట్రైన్, ఆ సమయంలో నేను కూడా అదే రైలులో ఉన్నాను” అని మరొకరు రాసుకొచ్చారు. “జీవితంలో ఆ మాత్రం కాన్ఫిడెన్స్ ఉంటే చాలు ఎక్కడైనా బతికేయొచ్చు” అని కొందరు, “అతడు బాగా మందు తాగి ఉన్నట్టున్నాడు.. లేదంటే ప్రాణాల మీదకు తెచ్చుకుంటాడా?” అని ఇంకొందరు కామెంట్లు చేసారు. ఏసీ రిపేర్‌కు వచ్చి.. ఆర్టిస్ట్‌కు సర్‌ప్రైజ్ ఇచ్చిన మెకానిక్స్! ఈ కోడిని కూర వండుకుని తిన్నారో.. మూడేళ్ల జైలు శిక్ష తప్పదు గొర్రెల కాపరి ఉద్యోగానికి భారీ క్యూ.. జీతం ఎంతో తెలిస్తే షాకవుతారు By signing in or creating an account, you agree with Associated Broadcasting Company's Terms & Conditions and Privacy Policy. రైలు హారన్ సౌండ్ వినపడగానే ఎవరికైనా గుండెలదురుతాయి. ఎంతటివారైనా సరే భయంతో రైలు పట్టాలకు దూరంగా జరుగుతారు. కానీ ముంబైలో మాత్రం ఓ వ్యక్తి ఏకంగా రైలు ముందే.. అది కూడా పట్టాలపై...