సైబర్ ఆగడాలకు చెక్ .. గూగుల్ నుంచి ఫేక్ కాల్ డిటెక్షన్

Fake Call Detection | ఇంటర్నెట్‌ డెస్క్‌: సైబర్‌ నేరగాళ్లు ఏఐ టూల్స్‌ సాయంతో అమాయకులను బురిడి కొట్టిస్తున్నారు. ఫోన్‌ నంబరు స్పూఫింగ్‌, ఏఐ వాయిస్‌ క్లోనింగ్‌తో తెలిసిన వారిలా కాల్స్‌ చేసి సున్నిత సమాచారాన్ని పట్టేసి మోసాలకు పాల్పడుతున్నారు. ఇలాంటి ఘటనలు రోజురోజుకు పెరిగిపోతున్నాయి. వీటికి చెక్‌ పెట్టేందుకు గూగుల్‌ సిద్ధమైంది. ఆండ్రాయిడ్‌ యూజర్ల కోసం ఫేక్‌ కాల్‌ డిటెక్షన్‌ సెక్యూరిటీ ఫీచర్‌ను తీసుకొచ్చింది. దీని ద్వారా అవతలి వ్యక్తి చేసిన కాల్‌ సంబంధిత డివైజ్‌ నుంచి వచ్చిందో లేదో ఈ ఫీచర్‌ ఇట్టే పసిగడుతుంది. సైబర్‌ నేరగాళ్లు సాఫ్ట్‌వేర్‌ల సాయంతో ఫోన్‌ నంబర్లను స్పూఫ్‌ చేస్తుంటారు. ఆపై వాయిస్‌ క్లోనింగ్‌ టెక్నాలజీ సాయంతో మోసాలకు పాల్పడుతుంటారు. చాలా మంది తమకు వచ్చిన నంబర్‌, వాయిస్‌ తమ వారిదేనని మోసపోతుంటారు. గూగుల్‌ తీసుకొచ్చిన కొత్త ఫీచర్‌ ఆ కాల్‌ సంబంధిత ఫోన్‌ నుంచే వచ్చిందా అనేది ధ్రువీకరిస్తుంది. కాల్‌ మాట్లాడుతున్న ఇద్దరూ గూగుల్‌ ఫోన్‌ యాప్‌ వాడుతుంటే ఈ ఫీచర్‌ పనిచేస్తుంది. అవతలి వ్యక్తి నుంచి కాల్‌ వచ్చినప్పుడు రెండు డివైజ్‌ల మధ్య ఒక డిజిటల్‌ హ్యాండ్‌షేక్‌లాంటిది ఆటోమేటిక్‌గా కమ్యూనికేట్‌ అవుతుంది. అంటే తెరవెనుక వెరిఫకేషన్‌ జరుగుతుంది. ఒకవేళ అవతలి వ్యక్తి కాల్‌ స్పూఫింగ్‌ చేస్తున్నట్లయితే సిగ్నల్‌ మ్యాచ్‌ కాక వెంటనే యూజర్‌ను అప్రమత్తం చేస్తుంది. ఈ ఫీచర్‌ పనిచేయాలంటే రెండు ఫోన్లలో తప్పనిసరిగా గూగుల్‌ ఫోన్‌ యాప్‌ డీఫాల్ట్‌గా ఉండాలి. ఇప్పుడు చాలా ఫోన్లలో గూగుల్‌ ఫోన్‌ యాప్‌ డిఫాల్ట్‌గా వస్తోంది. దీనివల్ల వ్యక్తిగత డేటాకు ఎటువంటి ప్రమాదమూ ఉండదు. ఆండ్రాయిడ్‌ 12 ఆపై వెర్షన్‌లకు ఈ నెల నుంచే ఈ ఫీచర్‌ను గూగుల్‌ అందుబాటులోకి తేనుంది. తొలుత గూగుల్‌ పిక్సల్‌ ఫోన్‌కు ఈ ఫీచర్‌ అందుబాటులోకి వస్తుంది. ఆపై దశలవారీగా అన్ని ఫోన్లలోనూ ఈ ఫీచర్‌ పనిచేస్తుంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd,All rights reserved. Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted. This website follows the DNPA Code of Ethics. Fake Call Detection | ఇంటర్నెట్‌ డెస్క్‌: సైబర్‌ నేరగాళ్లు ఏఐ టూల్స్‌ సాయంతో అమాయకులను బురిడి కొట్టిస్తున్నారు. ఫోన్‌ నంబరు స్పూఫింగ్‌, ఏఐ వాయిస్‌ క్లోనింగ్‌తో తెలిసిన వారిలా...