కోపంతో కాదు.. కలత చెందే అలా అన్నాను

ఇంటర్నెట్‌ డెస్క్‌: ఇజ్రాయెల్‌ ప్రధాని నెతన్యాహుతో (Benjamin Netanyahu) ఇటీవల ఫోన్‌ సంభాషణలో అమెరికా అధ్యక్షుడు ట్రంప్‌ తీవ్ర ఆగ్రహం చేసినట్లు వార్తలు వచ్చిన విషయం తెలిసిందే. అయితే, ఆ క్రమంలో నెతన్యాహుతో పరుషంగా మాట్లాడిన మాట వాస్తవమేనని ట్రంప్‌ (Donald Trump) అంగీకరించారు. ఓ అమెరికా వార్తాపత్రికతో మాట్లాడిన ఆయన.. అవి కోపంతో అనలేదన్నారు. ‘‘నేను కోపంతో అనలేదు. ఆయన నిరంతరం లెబనాన్‌పై దాడులు చేయడం చూసి కొంత కలత చెందాను. అందుకే అలా అనాల్సి వచ్చింది. మనం దాడులను ఆపాల్సిందే అని కూడా చెప్పాను’’ అని ట్రంప్‌ పేర్కొన్నారు. తనకు నెతన్యాహుతో మంచి సంబంధాలు ఉన్నాయని.. తామిద్దరం కలిసి చాలా గొప్పగా రాణించామని అన్నారు. బీబీ (నెతన్యాహు) అంటే తనకెంతో ఇష్టమని చెప్పారు. ఇటీవల నెతన్యాహుతో మాట్లాడిన ట్రంప్‌.. లెబనాన్‌లో కొనసాగుతున్న సైనిక చర్యల విషయంలో తీవ్రంగా విరుచుకుపడ్డారు. ‘‘నువ్వు వెర్రివాడివా? అసలు ఏం చేస్తున్నావ్‌? ఇప్పుడు ప్రతిఒక్కరూ మిమ్మల్ని ద్వేషిస్తున్నారు. మీ వల్లే ఇజ్రాయెల్‌ను అందరూ అసహ్యించుకుంటున్నారు’’ అంటూ ఆయన గట్టిగా అరిచినట్లు వార్తలు వచ్చాయి. ఇజ్రాయెల్‌ కారణంగానే ప్రపంచవ్యాప్తంగా తమ దేశంపై వ్యతిరేకత పెరిగిందని, దీనికి నెతన్యాహు బాధ్యుడని పేర్కొన్నట్లు తెలిసింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd,All rights reserved. Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted. This website follows the DNPA Code of Ethics.