వైభవ్ ను ఆ ఆస్ట్రేలియా దిగ్గజంతో పోల్చిన డివిలియర్స్.. బుడ్డోడి మెచ్యూరిటీపై ఏబీడీ ఆసక్తికర వ్యాఖ్యలు

AB de Villiers: ఐపీఎల్ 2026 ఎలిమినేటర్ మ్యాచ్‌లో సన్‌రైజర్స్ హైదరాబాద్‌పై కేవలం 29 బంతుల్లోనే 97 పరుగులు చేసి విధ్వంసం సృష్టించిన 15 ఏళ్ల రాజస్థాన్ రాయల్స్ సంచలనం వైభవ్ సూర్యవంశీపై ప్రశంసల జల్లు కురుస్తోంది. తాజాగా దక్షిణాఫ్రికా మాజీ దిగ్గజం, ఐపీఎల్ లెజెండ్ ఏబీ డివిలియర్స్.. వైభవ్ ఆటతీరును ఆకాశానికెత్తాడు. అంత చిన్న వయసులోనే అతనికి ఉన్న ‘గేమ్ అవేర్‌నెస్’ (మ్యాచ్‌పై అవగాహన) తనను ఎంతగానో ఆకట్టుకుందని జియోస్టార్ (JioStar) టాక్ షోలో వ్యాఖ్యానించాడు. ఎలిమినేటర్ లాంటి హై-ప్రెషర్ నాకౌట్ మ్యాచ్‌లో వైభవ్ చూపించిన పరిణతి, ప్రశాంతత అసాధారణమైనవని డివిలియర్స్ కొనియాడాడు. “సన్‌రైజర్స్ కెప్టెన్ పాట్ కమిన్స్ ఎన్ని రకాల ప్లాన్లు వేసినా, పదే పదే ఫీల్డింగ్ మారుస్తూ లెంత్ బాల్స్ వేసి వైభవ్ రిథమ్‌ను దెబ్బతీయాలని చూసినా.. అతడు మాత్రం ఏమాత్రం ఒత్తిడికి లోనవకుండా తన శైలిలోనే ఆడాడు. ఆ వయసులో ఆ స్థాయి ఏకాగ్రత, పట్టుదల చూపించడం నిజంగా అద్భుతం” అని డివిలియర్స్ అన్నాడు. మ్యాచ్ ఆరంభం నుంచే హైదరాబాద్ బౌలింగ్ లైనప్‌ను వైభవ్ పూర్తిగా కట్టడి చేశాడు. పాట్ కమిన్స్ రక్షణాత్మక ఫీల్డింగ్ పెట్టి, యార్కర్లతో కట్టడి చేయాలని చూసినా.. ఈ యువ లెఫ్ట్ హ్యాండ్ బ్యాటర్ తన భయం తెలియని షాట్లతో దీటుగా బదులిచ్చాడు. దీంతో రాజస్థాన్ రాయల్స్ కేవలం 8 ఓవర్లలోనే 125 పరుగుల భారీ స్కోరుకు చేరుకుంది. చివరకు రాజస్థాన్ 47 పరుగుల తేడాతో హైదరాబాద్‌పై ఘనవిజయం సాధించి క్వాలిఫైయర్-2 కు దూసుకెళ్లింది. ఇక, వైభవ్ బ్యాటింగ్ శైలితో పాటు మ్యాచ్‌కు ముందు అతడు అనుసరించే విధానాలు, మానసిక సన్నద్ధత (మెంటల్ రూటీన్స్) పై కూడా ఏబీడీ ముగ్ధుడయ్యాడు. బౌలర్లను ముందే స్టడీ చేయడం, మ్యాచ్ ఆరంభం నుంచే హైదరాబాద్ బౌలింగ్ లైనప్‌ను వైభవ్ పూర్తిగా కట్టడి చేశాడు. పాట్ కమిన్స్ రక్షణాత్మక ఫీల్డింగ్ పెట్టి, యార్కర్లతో కట్టడి చేయాలని చూసినా.. ఈ యువ లెఫ్ట్ హ్యాండ్ బ్యాటర్ తన భయం తెలియని షాట్లతో దీటుగా బదులిచ్చాడు. దీంతో రాజస్థాన్ రాయల్స్ కేవలం 8 ఓవర్లలోనే 125 పరుగుల భారీ స్కోరుకు చేరుకుంది. చివరకు రాజస్థాన్ 47 పరుగుల తేడాతో హైదరాబాద్‌పై ఘనవిజయం సాధించి క్వాలిఫైయర్-2 కు దూసుకెళ్లింది. ఇక, వైభవ్ బ్యాటింగ్ శైలితో పాటు మ్యాచ్‌కు ముందు అతడు అనుసరించే విధానాలు, మానసిక సన్నద్ధత (మెంటల్ రూటీన్స్) పై కూడా ఏబీడీ ముగ్ధుడయ్యాడు. బౌలర్లను ముందే స్టడీ చేయడం, మ్యాచ్ పరిస్థితులను ఊహించుకోవడం (విజువలైజేషన్) లాంటి విషయాల గురించి వైభవ్ మాట్లాడటం చూస్తే.. ఆ వయసు ప్లేయర్‌కు ఉండాల్సిన దానికంటే ఎక్కువ మెచ్యూరిటీ కనిపించిందని డివిలియర్స్ అభిప్రాయపడ్డాడు. ఈ క్రమంలోనే వైభవ్ విజువలైజేషన్ అలవాటును ఆస్ట్రేలియా ఓపెనింగ్ దిగ్గజం మాథ్యూ హేడెన్‌తో డివిలియర్స్ పోల్చాడు. “మ్యాచ్‌కు ముందు పిచ్‌పై కాసేపు గడుపుతూ మ్యాచ్‌ను ఊహించుకునే మాథ్యూ హేడెన్ రోజులను వైభవ్ నాకు గుర్తుచేశాడు. భవిష్యత్తులో ఈ అలవాట్లు ఇంకా మారవచ్చు, కానీ ఎవరినో కాపీ కొట్టకుండా తనకంటూ ఒక సొంత శైలిని, అలవాట్లను ఇప్పుడే అలవర్చుకోవడం చాలా ముఖ్యం. ప్రపంచంలోనే అత్యుత్తమ ఆటగాళ్లు తమకు ఏది సెట్ అవుతుందో ముందే గుర్తిస్తారు.. వైభవ్ కూడా తన ప్రయాణం మొదట్లోనే ఆ విషయాన్ని గ్రహించాడు” అని ప్రశంసించాడు.