నెలకు రూ.9,250 ఇచ్చే పోస్టాఫీస్ పథకం.. 5 ఏళ్ల పాటు ఇస్తారు.. ఎవరు అర్హులు, ఎంత ఇన్వెస్ట్ చేయాలి

ప్రస్తుతం ఉన్న నిబంధనల ప్రకారం పోస్టాఫీస్ మంత్లీ ఇన్‌కమ్ స్కీమ్‌లో వ్యక్తిగత అకౌంట్ తీసుకునే వారు రూ.9 లక్షల వరకు ఇన్వెస్ట్ చేయవచ్చు. అలాగే జాయింట్ అకౌంట్ తీసుకుంటే రూ.15 లక్షల వరకు పెట్టుబడి పెట్టవచ్చు. ఈ పథకం ద్వారా ప్రస్తుతం 7.4 శాతం వార్షిక వడ్డీ రేటు ఇస్తున్నారు. ప్రతి నెలా వడ్డీ చెల్లిస్తారు. అయితే వడ్డీ రేటును ప్రతి మూడు నెలలకు ఒకసారి మారుస్తారు. పోస్టాఫీస్ మంత్లీ ఇన్‌కమ్ స్కీమ్ ద్వారా మీరు నెలకు రూ.9,250 మేర పొందవచ్చు. ఇందుకోసం మీరు జాయింట్ అకౌంట్ తీసుకుని ఒకేసారి రూ.15 లక్షలు జమ చేయాల్సి ఉంటుంది. 7.4 శాతం వడ్డీ రేటుతో మీకు నెల నెలా రూ.9,250 వడ్డీ ఆదాయం వస్తుంది. ఏడాది వడ్డీ ఆదాయం రూ.1,11,000 వస్తే నెల నెలా రూ.9.249 అవుతుంది. ఇలా 5 సంవత్సరాల పాటు వడ్డీ నెల నెలా జమ చేస్తారు. పోస్టాఫీస్ మంత్లీ ఇన్‌కమ్ స్కీమ్ మెచ్యూరిటీ కాలం 5 సంవత్సరాలుగా ఉంటుంది. అంటే మొత్తం 60 నెలలు ఉంటుంది. జాయింట్ ఖాతా తీసుకుని రూ.15 లక్షలు జమ చేసినట్లయితే నెలకు రూ.9,250 వరకు వడ్డీ లభిస్తుంది. అంటే 5 సంవత్సరాల్లో మొత్తం రూ.5.55 లక్షల వరకు వడ్డీ ఆదాయం లభిస్తుంది. పోస్టాఫీస్ మంత్లీ ఇన్‌కమ్ పథకంలో అకౌంట్ తెరిచిన తర్వాత ఏడాది వరకు ప్రీమెచ్యూర్ క్లోజర్ చేసేందుకు అవకాశం ఉండదు. అకౌంట్ తెరిచిన ఏడాది నుంచి 3 ఏళ్లలోపు ముందస్తుగా అకౌంట్ క్లోజ్ చేస్తే పెనాల్టీగా మీ డిపాజిట్ అమౌంట్లో నుంచి 2 శాతం కట్ చేస్తారు. 3 ఏళ్ల తర్వాత అకౌంట్ మూసివేస్తే 1 శాతం మేర పెనాల్టీ పడుతుంది. పోస్టాఫీస్ మంత్లీ ఇన్‌కమ్ పోస్టాఫీస్ మంత్లీ ఇన్‌కమ్ స్కీమ్‌లో చేసే పెట్టుబడి అనేది పాత పన్ను విధానంలో ఎలాంటి ట్యాక్స్ డిడక్షన్లకు అర్హత సాధించదు. ఇన్వెస్టర్ల ట్యాక్స్ శ్లాబ్ ప్రకారం నెల నెలా వచ్చే వడ్డీ ఆదాయంపై పూర్తిగా ట్యాక్స్ పరిధిలోకి వస్తుంది. అయినప్పటికీ పోస్టాఫీస్ అనేది డిపాజిట్లపై వచ్చే వడ్డీ ఆదాయం నుంచి ట్యాక్స్ డిడక్టెడ్ ఎట్ సోర్స్ (TDS) అనేది మినహాయించదు. ట్యాక్స్ పేయర్ తమ ఐటీ రిటర్నుల ద్వారా వివరాలు వెల్లడించాల్సి ఉంటుంది.