మాట తప్పని రేవంత్ రెడ్డి.. మైత్రివనంలో ఎన్టీఆర్ విగ్రహాన్ని ఆవిష్కరించిన సీఎం

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది. NTR: జూబ్లీహిల్స్ ఉప ఎన్నికల సమయంలో ఇచ్చిన హామీని ముఖ్యమంత్రి రేవంత్ రెడ్డి నిలబెట్టుకున్నారు. హైదరాబాద్‌లోని మైత్రివనం చౌరస్తాలో తెలుగు ప్రజల ఆరాధ్య నాయకుడు, దివంగత ముఖ్యమంత్రి ఎన్టీఆర్ విగ్రహాన్ని ఘనంగా ఆవిష్కరించారు. ఎన్నికల ప్రచారం సమయంలో ఎన్టీఆర్ విగ్రహాన్ని ఏర్పాటు చేస్తామని రేవంత్ రెడ్డి హామీ ఇచ్చారు. ఇప్పుడు ఆ మాటను నిలబెట్టుకోవడంతో ఎన్టీఆర్ అభిమానులు ఆనందం వ్యక్తం చేస్తున్నారు. మైత్రివనం చౌరస్తాలో జరిగిన ఈ కార్యక్రమానికి కాంగ్రెస్ నాయకులు, స్థానిక ప్రజలు, ఎన్టీఆర్ అభిమానులు పెద్ద సంఖ్యలో హాజరయ్యారు. విగ్రహ ఆవిష్కరణ సందర్భంగా ప్రత్యేక ఏర్పాట్లు చేశారు. పూలతో అలంకరించిన ఎన్టీఆర్ విగ్రహం అందరినీ ఆకట్టుకుంది. అభిమానులు నినాదాలతో సందడి చేస్తూ ఎన్టీఆర్‌కు నివాళులు అర్పించారు. రేవంత్ రెడ్డి కూడా విగ్రహానికి పూలమాల వేసి గౌరవ నివాళులు సమర్పించారు. ఎన్టీఆర్ తెలుగు సినీ రంగంలోనే కాదు.. రాజకీయాల్లో కూడా తనకంటూ ప్రత్యేక స్థానం సంపాదించుకున్నారు. తెలుగు దేశం పార్టీని స్థాపించి ప్రజల మద్దతుతో ముఖ్యమంత్రిగా పనిచేశారు. పేదల కోసం అనేక సంక్షేమ పథకాలు అమలు చేసి ప్రజల గుండెల్లో చెరగని ముద్ర వేశారు. అందుకే ఆయనకు రెండు తెలుగు రాష్ట్రాల్లో ఇప్పటికీ ప్రత్యేకమైన అభిమాన వర్గం ఉంది. జూబ్లీహిల్స్ ఉప ఎన్నికల సమయంలో స్థానికంగా ఎన్టీఆర్ విగ్రహం ఏర్పాటు చేయాలనే జూబ్లీహిల్స్ ఉప ఎన్నికల సమయంలో స్థానికంగా ఎన్టీఆర్ విగ్రహం ఏర్పాటు చేయాలనే డిమాండ్ వచ్చింది. అప్పట్లో స్పందించిన రేవంత్ రెడ్డి.. అధికారంలోకి వచ్చిన తర్వాత తప్పకుండా ఆ హామీ నెరవేరుస్తామని చెప్పారు. ఇప్పుడు అదే మాట నిలబెట్టుకుని మైత్రివనం చౌరస్తాలో విగ్రహాన్ని ఏర్పాటు చేయడంతో స్థానికులు కూడా హర్షం వ్యక్తం చేస్తున్నారు. ఈ సందర్భంగా రేవంత్ రెడ్డి మాట్లాడుతూ.. తెలుగు ప్రజల గుండెల్లో ఎన్టీఆర్‌కు ఎప్పటికీ ప్రత్యేక స్థానం ఉంటుందని అన్నారు. మొత్తంగా చూస్తే.. జూబ్లీహిల్స్‌లో ఇచ్చిన హామీని నిలబెట్టి మైత్రివనంలో ఎన్టీఆర్ విగ్రహాన్ని ఆవిష్కరించడం ఇప్పుడు రాజకీయంగా, ప్రజల్లోనూ చర్చనీయాంశంగా మారింది. Also Read:Jr NTR Top Disaster Movies: జూనియ‌ర్ ఎన్టీఆర్ కెరీర్ లో స్పీడ్ బ్రేకర్స్ గా నిలిచిన టాప్ డిజాస్ట‌ర్ చిత్రాలు ఇవే.. Also Read: Jr NTR Top Movies: మ్యాన్ ఆఫ్ మాసెస్ ఎన్టీఆర్ కెరీర్ ను ఛేంజ్ చేసిన‌ టాప్ చిత్రాలు ఇవే.. స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.