మార్కెట్లలో అనిశ్చితి.. వాటి వైపు పెట్టుబడిదారుల చూపు! పైగా 8.11 శాతం వడ్డీ ఆఫర్లు

మధ్యప్రాచ్య ప్రాంతంలో కొనసాగుతున్న ఉద్రిక్తతలు, అంతర్జాతీయ ఆర్థిక అనిశ్చితి, దేశీయ స్టాక్ మార్కెట్లలో నెలకొన్న ఒడిదుడుకుల నేపథ్యంలో పెట్టుబడిదారులు సురక్షిత పెట్టుబడి మార్గాల కోసం వెతుకుతున్నారు. ఈ పరిస్థితుల్లో ఫిక్స్‌డ్ డిపాజిట్లు (FDలు) మరోసారి ఆకర్షణీయమైన పెట్టుబడి సాధనంగా మారాయి. హామీతో కూడిన రాబడి, మూలధన భద్రత, స్థిరమైన ఆదాయం వంటి ప్రయోజనాల కారణంగా అనేక మంది పెట్టుబడిదారులు FDల వైపు మొగ్గు చూపుతున్నారు. ప్రస్తుతం కొన్ని స్మాల్ ఫైనాన్స్ బ్యాంకులు సాధారణ బ్యాంకులతో పోలిస్తే అధిక వడ్డీ రేట్లను అందిస్తున్నాయి. 1 సంవత్సరం నుంచి 5 సంవత్సరాల మధ్య కాలపరిమితి గల డిపాజిట్లపై జన స్మాల్ ఫైనాన్స్ బ్యాంక్ 8.11 శాతం వరకు వడ్డీని అందిస్తూ అగ్రస్థానంలో నిలిచింది. సూర్యోదయ స్మాల్ ఫైనాన్స్ బ్యాంక్, ఉత్కర్ష్ స్మాల్ ఫైనాన్స్ బ్యాంక్‌లు 8.10 శాతం వరకు వడ్డీని అందిస్తున్నాయి. అలాగే శివాలిక్ స్మాల్ ఫైనాన్స్ బ్యాంక్ 7.80 శాతం, ఈఎస్ఏఎఫ్ స్మాల్ ఫైనాన్స్ బ్యాంక్ మరియు స్లైస్ స్మాల్ ఫైనాన్స్ బ్యాంక్‌లు 7.75 శాతం వరకు వడ్డీ రేట్లను ప్రకటించాయి. ప్రైవేట్ రంగ బ్యాంకుల్లో సీఎస్‌బీ బ్యాంక్ 7.35 శాతం, ఎస్‌బీఎం బ్యాంక్ ఇండియా 7.30 శాతం, బంధన్ బ్యాంక్, ఐడీఎఫ్‌సీ ఫస్ట్ బ్యాంక్, డీసీబీ బ్యాంక్‌లు 7.25 శాతం వరకు వడ్డీని అందిస్తున్నాయి. ప్రభుత్వ రంగ బ్యాంకుల విషయానికి వస్తే పంజాబ్ అండ్ సింధ్ బ్యాంక్ 6.75 శాతం, బ్యాంక్ ఆఫ్ ఇండియా 6.70 శాతం, బ్యాంక్ ఆఫ్ మహారాష్ట్ర, సెంట్రల్ బ్యాంక్ ఆఫ్ ఇండియా 6.65 శాతం వరకు వడ్డీని అందిస్తున్నాయి. పంజాబ్ నేషనల్ బ్యాంక్, ఇండియన్ బ్యాంక్‌లు 6.60 శాతం వడ్డీ రేట్లను అందిస్తున్నాయి. అయితే పెట్టుబడిదారులు కేవలం అధిక వడ్డీ By signing in or creating an account, you agree with Associated Broadcasting Company's Terms & Conditions and Privacy Policy. ప్రభుత్వ రంగ బ్యాంకుల విషయానికి వస్తే పంజాబ్ అండ్ సింధ్ బ్యాంక్ 6.75 శాతం, బ్యాంక్ ఆఫ్ ఇండియా 6.70 శాతం, బ్యాంక్ ఆఫ్ మహారాష్ట్ర, సెంట్రల్ బ్యాంక్ ఆఫ్ ఇండియా 6.65 శాతం వరకు వడ్డీని అందిస్తున్నాయి. పంజాబ్ నేషనల్ బ్యాంక్, ఇండియన్ బ్యాంక్‌లు 6.60 శాతం వడ్డీ రేట్లను అందిస్తున్నాయి. అయితే పెట్టుబడిదారులు కేవలం అధిక వడ్డీ రేట్లను చూసి నిర్ణయం తీసుకోకూడదని ఆర్థిక నిపుణులు సూచిస్తున్నారు. బ్యాంకు విశ్వసనీయత, డిపాజిట్ భద్రత, డిపాజిట్ ఇన్సూరెన్స్ పరిమితులు, అత్యవసర పరిస్థితుల్లో నిధుల ఉపసంహరణ సౌలభ్యం, ముందస్తు ఉపసంహరణపై జరిమానాలు వంటి అంశాలను కూడా పరిగణనలోకి తీసుకోవాలని చెబుతున్నారు. మార్కెట్లలో అనిశ్చితి కొనసాగుతున్న ప్రస్తుత పరిస్థితుల్లో, తక్కువ రిస్క్‌తో స్థిరమైన రాబడి కోరుకునే పెట్టుబడిదారులకు ఫిక్స్‌డ్ డిపాజిట్లు ఒక సమర్థవంతమైన ప్రత్యామ్నాయంగా నిలుస్తున్నాయని ఆర్థిక విశ్లేషకులు అభిప్రాయపడుతున్నారు. సరైన బ్యాంకు, సరైన కాలపరిమితిని ఎంచుకోవడం ద్వారా పెట్టుబడిదారులు తమ రాబడులను మరింత మెరుగుపరుచుకునే అవకాశం ఉందని పేర్కొంటున్నారు. మధ్యప్రాచ్య ప్రాంతంలో కొనసాగుతున్న ఉద్రిక్తతలు, అంతర్జాతీయ ఆర్థిక అనిశ్చితి, దేశీయ స్టాక్ మార్కెట్లలో నెలకొన్న ఒడిదుడుకుల నేపథ్యంలో పెట్టుబడిదారులు సురక్షిత పెట్టుబడి మార్గాల...