చుక్క రక్తంతో క్యాన్సర్ గుట్టురట్టు

నిమ్స్‌లో త్వరలో అందుబాటులోకి లిక్విడ్‌ బయాప్సీ నిమ్స్‌లో సేవలందిస్తున్న ఎన్‌జీఎస్‌ యంత్రం ఈనాడు, హైదరాబాద్‌: నిమ్స్‌లో క్యాన్సర్‌ చికిత్సల్లో అత్యాధునిక సేవలు ఒక్కొక్కటి అందుబాటులోకి తెస్తున్నారు. నెక్స్ట్‌ జనరేషన్‌ సీక్వెన్సింగ్‌ (ఎన్‌జీఎస్‌)తో క్యాన్సర్‌ జీనోమిక్స్‌ సెంటర్‌ ఏర్పాటు చేసిన నిమ్స్‌.. దాని ఆధారంగా పలు చికిత్సలను రోగులకు అందుబాటులోకి తేనుంది. ఇందులో భాగంగా త్వరలో లిక్విడ్‌ బయాప్సీ సేవలు ప్రవేశపెట్టనుంది. ఈ వివరాలను నిమ్స్‌ డైరెక్టర్‌ డాక్టర్‌ బీరప్ప మీడియాకు విడుదల చేశారు. ‘ప్రస్తుతం ఎన్‌జీఎస్‌ సాంకేతికతతో క్యాన్సర్‌కు కారణమయ్యే జన్యుపరమైన మార్పులను డీఎన్‌ఏ, ఆర్‌ఎన్‌ఏ స్థాయిలో గుర్తించి రోగికి టార్గెటెడ్‌ థెరపీ అందించొచ్చు. కేంద్రం ఆధ్వర్యంలోని డైమండ్‌ ప్రాజెక్టులో భాగంగా ఈ సేవలు ప్రవేశపెట్టారు. 2024 నుంచి 1443 మందికి ఈ పరీక్షలు ఉచితంగా చేశాం’ అని బీరప్ప తెలిపారు. ఈ సేవలతోపాటు ఒక్క రక్తపు చుక్కతోనే క్యాన్సర్‌ గుట్టురట్టు చేసేలా లిక్విడ్‌ బయాప్సీ పరీక్షలను త్వరలో అందుబాటులోకి తెస్తామని నిమ్స్‌ పాథాలజీ విభాగాధిపతి డాక్టర్‌ శాంతవీర్‌ జి.ఉప్పిన్‌ తెలిపారు. లిక్విడ్‌ బయాప్సీలో కణజాలం సేకరించకుండానే కేవలం రక్త పరీక్షతో క్యాన్సర్‌ స్థాయిని నిర్ధారిస్తారని వివరించారు. ‘ఊపిరితిత్తుల క్యాన్సర్లు, బ్రెయిన్‌ ట్యూమర్లు, ఎముకల్లోకి పాకిన క్యాన్సర్‌ లాంటి వాటికి శరీరం లోపలికి వెళ్లి కణితి కణజాలాన్ని బయాప్సీ చేయడం కష్టం. ఇలాంటి సందర్భంలో లిక్విడ్‌ బయాప్సీ ఉపయోగపడుతుందని వైద్యులు తెలిపారు. ఈ పరీక్షలన్నీ ఆరోగ్యశ్రీలో రోగులకు ఉచితంగానే అందిస్తాం’ అని డాక్టర్‌ బీరప్ప వివరించారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd,All rights reserved. Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted. This website follows the DNPA Code of Ethics. నిమ్స్‌లో త్వరలో అందుబాటులోకి లిక్విడ్‌ బయాప్సీ నిమ్స్‌లో సేవలందిస్తున్న ఎన్‌జీఎస్‌ యంత్రం ఈనాడు, హైదరాబాద్‌: నిమ్స్‌లో క్యాన్సర్‌ చికిత్సల్లో అత్యాధునిక సేవలు ఒక్కొక్కటి...