జబర్దస్త్ రోహిణి ఉందంటే సందడి మామూలుగా ఉండదు మరి. జబర్దస్త్లో ఉన్నా.. బిగ్ బాస్లో ఉన్నా తన మార్క్ చూపిస్తూనే ఉంటుంది. అసలు మన తెలుగులో లేడీ కమెడియన్స్ తక్కువ. అప్పట్లో శ్రీలక్ష్మి.. ఆ తరువాత రమాప్రభ.. వాళ్ల తరువాత మళ్లీ తెలుగులో అంతలా పాపులర్ అయిన లేడీ కమెడియన్స్ లేనే లేరు. అయితే జబర్దస్త్ స్కూల్ అయినప్పటికీ కూడా.. బూతు రోతలే కాకుండా.. తన కామెడీ టైమింగ్తో అలరిస్తున్న రోహిణి.. ప్రస్తుతం కూకు విత్ జాతిరత్నాలు షోలో నవ్వులు పూయిస్తోంది. కూకు విత్ జాతి రత్నాలు ప్రేమమయం అయిపోయింది అంటూ.. లవ్ థీమ్తో ఆట మొదలుపెట్టారు యాంకర్ ప్రదీప్. ప్రేమ లేఖ రాస్తూ కనిపించాడు ప్రదీప్. ఇక షోలో కనిపించిన వాళ్లంతా ప్రేమ మైకంలో తేలిపోయారు. కూకు విత్ జాతరత్నాలు కాస్తా.. లవ్ విత్ ఎంటర్టైన్మెంట్గా మారింది. అన్ లిమిటెడ్ లవ్వూ.. నాన్ స్టాప్ నవ్వూ అన్నట్టుగా ఫుల్ ఫన్ జనరేట్ చేశారు. ఇక రోహిణి, యాంకర్ నిఖిల్ అయితే.. ఫీల్ మై లవ్ అంటూ జత కలిసి రొమాన్స్లో తేలిపోయారు. అయితే నిఖిల్ ( Nikhil Vijayendra Simha ) ఓ అడుగు ముందుకేసి.. రోహిణికి ముద్దు పెట్టేశాడు. ముద్దు అంటే ఏదో అలా పెట్టి ఇలా వదిలేయడం కాదు.. రోహిణి బుగ్గని జుర్రేశాడు నిఖిల్. దెబ్బకి కళ్లు తేలేసిన రోహిణి.. చేతిలో ఉన్న దిండుతో గట్టిగా కొట్టింది. కాస్త కోలుకున్న రోహిణి.. ‘ఇప్పటి వరకూ నాకు స్టేజ్పై ఎవరూ ముద్దు పెట్టలేదూ.. ఇతనే ఫస్ట్ ముద్దు పెట్టాడు.. నేను ఫిక్స్ అయిపోయాను. మీ అమ్మతో మాట్లాడి.. పెళ్లికి ఒప్పిస్తావా? లేదా? ఇంక నిన్ను వదిలేది లేదు’ అంటూ నిలదీసింది రోహిణి. హమ్మయ్యా.. లవ్ థీమ్ రోజు.. ఓ జంటను కలిపాం.. అంతకంటే ఆనంద ఏముంటుంది అంటూ పంచ్ వేశాడు ప్రదీప్. దాంతో నిఖిల్.. ‘నిజంగా నాకంటే చిన్నదై ఉంటే పెళ్లి చేసుకునేవాడ్ని’ అని అన్నాడు. ఆ మాటకి కౌంటర్గా.. ‘మర్యాదగా మాట్లాడుకుందాం.. నాకు నీకు మూడేళ్లే కదా తేడా.. నన్ను పెళ్లి చేసుకుంటే.. మ్యాడ్ ఫర్ ఈచ్ అదర్, బిగ్ బాస్, బీబీ జోడీకి వెళ్లొచ్చు. నాకు ఓ నాలుగు లక్షలు (వారానికి) ఇస్తారు. నీకు ఓ రెండు లక్షలు ఇస్తారు అంటూ రెమ్యూనరేషన్తో సహా లెక్కలు చెప్పేసింది రోహిణి. మొత్తానికి రోహిణి కామెడీ టైమింగ్తో ప్రోమో ఫుల్ ఫన్ రైడ్గా సాగింది. అనంతరం తనూజ, మణికంఠ కూడా నవ్వులు పూయించారు.