స్టార్ హీరోయిన్ త్రిష కృష్ణన్ షేర్ చేసిన ఓ ఇన్స్టాగ్రామ్ స్టోరీ ప్రస్తుతం సంచలనంగా మారింది. సౌత్ స్టార్ హీరో, తమిళనాడు ముఖ్యమంత్రి విజయ్తో ఆమెకు సంబంధం ఉందంటూ వస్తున్న రూమర్ల నేపథ్యంలో త్రిష పెట్టిన ఈ పోస్ట్ ఇప్పుడు చర్చనీయాంశంగా మారింది. ఇటీవల విజయ్తో కలిసి ఆమె పలు కార్యక్రమాల్లో కనిపించడం, సోషల్ మీడియాలో ఆమె వ్యక్తిగత జీవితంపై ఆసక్తిని పెంచేలా పోస్టులు పెట్టడంతో ఈ చర్చ మరింత పెరిగింది. త్రిష తన పెంపుడు కుక్క బెడ్పై పడుకున్న ఫొటోను షేర్ చేస్తూ, "నా విషయంలో తలదూర్చడానికి నేను అనుమతించే ఏకైక ముక్కు ఇదే" అని రాసుకొచ్చింది. తన వ్యక్తిగత జీవితంపై కామెంట్ చేసే ట్రోలర్స్కు ఇది తెలివైన, ఘాటైన సమాధానం అని చాలామంది భావిస్తున్నారు. ఈ పోస్ట్ ఇప్పుడు వైరల్గా మారింది. అంతేకాదు, ఇటీవల 'మ్యాజికల్ మే' అంటూ తన పుట్టినరోజు క్షణాలు, సెల్ఫీలు, తన పెంపుడు కుక్క ఇజ్జీ ఫొటోలను కూడా పంచుకుంది. "మ్యాజికల్ మే నుంచి మరికొన్ని.. గుర్తుచేసుకుని చాలా కాలం నవ్వుకుంటాను" అని ఆమె పోస్ట్ చేసింది. ఇటీవల, విజయ్ ప్రమాణ స్వీకార కార్యక్రమానికి త్రిష తన తల్లి ఉమా కృష్ణన్తో కలిసి హాజరైంది. అక్కడ అభిమానులకు అభివాదం చేస్తూ ఎమోషనల్ అయ్యారు. ఆ తర్వాత తిరుమల దర్శనం ముగించుకుని, చెన్నైలోని విజయ్ నివాసం నుంచి బయటకు వస్తూ ఫొటోగ్రాఫర్లకు నవ్వుతూ థంబ్స్-అప్ చూపించింది. నటుడు అజిత్ కుమార్ తల్లి మరణించినప్పుడు, ఆయన కుటుంబాన్ని పరామర్శించడానికి వెళ్లిన విజయ్తో పాటు త్రిష కూడా వెళ్లింది. అయినప్పటికీ, ఈ రూమర్లపై విజయ్ గానీ, త్రిష గానీ ఇప్పటివరకు బహిరంగంగా స్పందించలేదు.