AP Jobs Notification: ఏపీ నిరుద్యోగులకు APPSC గుడ్ న్యూస్.. గ్రూప్-1 సహా 892 పోస్టులకు నోటిఫికేషన్లు.. దరఖాస్తు తేదీలు ఇవే!

ఏపీపీఎస్సీ(AP Jobs Notification) రాష్ట్రంలోని 19 విభిన్న శాఖలలో వేర్వేరు నోటిఫికేషన్ల ద్వారా మొత్తం 729 పోస్టుల భర్తీ ప్రక్రియను ప్రారంభించింది. ఈ పోస్టులకు సంబంధించిన పూర్తి విద్యా అర్హతలు, వయోపరిమితి, ఎంపిక విధానం తదితర వివరాలను ఏపీపీఎస్సీ తమ అధికారిక వెబ్‌సైట్‌లో అందుబాటులో ఉంచింది. అర్హత కలిగిన అభ్యర్థులు వెబ్‌సైట్ ద్వారా పూర్తి వివరాలను తెలుసుకొని దరఖాస్తు చేసుకోవాలని కమిషన్ సూచించింది.

గ్రూప్-1 నోటిఫికేషన్ విడుదల.. 163 పోస్టులకు అవకాశం:

మరోవైపు నిరుద్యోగులు ఎంతో కాలంగా ఎదురుచూస్తున్న గ్రూప్-1 నోటిఫికేషన్ కూడా విడుదలైంది. మొత్తం 163 గ్రూప్-1 పోస్టుల భర్తీకి ఏపీపీఎస్సీ ప్రకటన ఇచ్చింది. అక్టోబర్ 6 నుంచి దరఖాస్తుల స్వీకరణ ప్రారంభం కానుండగా, అక్టోబర్ 27 వరకు దరఖాస్తు చేసుకోవడానికి గడువు విధించారు. ఇందులో ముఖ్యంగా 11 డిప్యూటీ కలెక్టర్, 36 డీఎస్పీ (సివిల్), 35 డివిజనల్ డెవలప్‌మెంట్ ఆఫీసర్, 14 అసిస్టెంట్ కమిషనర్ (ట్యాక్స్), 15 డిప్యూటీ రిజిస్ట్రార్ పోస్టులతో పాటు పలు కీలక విభాగాలు ఉన్నాయి.