ట్రంప్ కుమారుడి పెళ్లి వేడుక వివాదం.. రష్యన్‌ కుబేరుడి పేరు తెరపైకి..?

అమెరికా అధ్యక్షుడు డొనాల్డ్‌ ట్రంప్‌ కుమారుడు జూనియర్‌ డొనాల్డ్‌ ట్రంప్‌ (Donald Trump Jr) వివాహ వేడుక చుట్టూ వివాదం రాజుకుంది. జూనియర్ డొనాల్డ్ ట్రంప్, తన ప్రియురాలు బెట్టినా ఆండర్సన్‌ (Bettina Anderson)ను 2026 మే నెలలో వివాహం చేసుకున్నాడు. ఇరాన్ యుద్ధం నేపథ్యంలో భద్రతా కారణాలతో ట్రంప్ ఈ వివాహ వేడుకకు హాజరుకాలేదు. బహామాస్‌లో జరిగిన వివాహానంతర వేడుకలకు అయిన భారీ ఖర్చులను రష్యన్ కుబేరుడు ఉమర్‌ క్రెమ్లెవ్‌ భరించినట్లు కథనాలు రావడంతో ఈ పెళ్లి వ్యవహారం ఇప్పుడు అంతర్జాతీయంగా చర్చనీయాంశమైంది. ఉమర్ క్రెమ్లెవ్ రష్యా అధ్యక్షుడు వ్లాదిమిర్ పుతిన్‌తో సన్నిహిత సంబంధాలు ఉండటం అమెరికాలో రాజకీయ దుమారం రేపుతోంది.