MATA: మన అమెరికా తెలుగు సంఘం (MATA) అత్యంత ప్రతిష్టాత్మకంగా నిర్వహించబోతున్న ‘మాటా రెండవ మహాసభలు’ (MATA 2nd Convention ’26) జూన్ 19, 20 తేదీల్లో పెన్సిల్వేనియాలోని ‘ది గ్రేటర్ ఫిలడెల్ఫియా ఎక్స్పో సెంటర్’ (100 Station Ave, Oaks, PA-19456) లో జరగనున్నాయి. ఈ మహాసభల్లో భాగంగా 2026, జూన్ 20వ తేదీ శనివారం రోజు ప్రత్యేకంగా “పొలిటికల్ ఫోరమ్ – మాటా ప్రజా వేదిక” (POLITICAL FORUM – MATA PRAJA VEDIKA) కార్యక్రమాన్ని నిర్వహించబోతున్నారు. ముఖ్య అతిథులుగా .. ఈ రాజకీయ వేదికపై చర్చించేందుకు భారతదేశం (తెలంగాణ రాష్ట్రం) నుండి పలువురు అగ్రశ్రేణి నాయకులు, ప్రజాప్రతినిధులు విచ్చేస్తున్నారు. కార్యక్రమంలోని అంశాలు.. ఉత్తర అమెరికా వ్యాప్తంగా దాదాపు 7,000 మందికి పైగా ప్రతినిధులు ఈ మహాసభల్లో పాల్గొననున్నారు. సమాజం గళాన్ని, రాజకీయ నాయకత్వాన్ని ఒకే వేదికపైకి తీసుకువచ్చే శక్తివంతమైన ప్లాట్ఫారమ్గా ఇది నిలవనుంది. గౌరవనీయులైన నాయకులు, ప్రజా అధికారులు , విధాన నిర్ణేతలను (Policy Makers) ఒకచోటకు చేర్చనున్నారు. మీడియా కవరేజీతో పాటు ఈ కార్యక్రమాన్ని ప్రత్యక్ష ప్రసారం (Live Streaming) చేయనున్నారు. నిర్వాహక బృందం.. ఈ పొలిటికల్ ఫోరమ్ నిర్వహణ బాధ్యతలను చైర్గా భాస్కర్ పిన్న (+1 514-894-8454), కో-చైర్స్గా శ్రీనివాస్ కైరి, చంద్రశేఖర్ రావు భాసుత్కర్, నరేందర్ ఎరనగురి, డా. హరికృష్ణ ఒసురు లు పర్యవేక్షిస్తున్నారు. ఈ ఈవెంట్కు ‘ఎక్స్పాట్ మనీ’ (xpat.money) , ‘ఎమ్ఎస్ఎన్ఓ రియల్టీ’ (MSNO REALTY) సంస్థలు మెగా స్పాన్సర్లుగా వ్యవహరిస్తున్నాయి. ‘మాటా’ ప్రెసిడెంట్ రమణ కిరణ్ దుద్దగి, కన్వీనర్ శ్రీధర్ గూడల నేతృత్వంలోని కోర్ కమిటీ, ఎగ్జిక్యూటివ్ కమిటీ , అడ్వైజరీ కమిటీ సభ్యులు ఈ మహాసభల విజయవంతం కోసం విస్తృత ఏర్పాట్లు చేస్తున్నారు. కన్వెన్షన్ టికెట్ల కొరకు ఇమేజ్లోని క్యూఆర్ (QR) కోడ్ను స్కాన్ చేయవచ్చని లేదా మాటా హెల్ప్లైన్ నంబర్లను సంప్రదించవచ్చని నిర్వాహకులు తెలిపారు.