Mandal News

Ration Rice | రాయపోల్‌, సెప్టెంబరు 2 : ప్రభుత్వం పేదలకు పంపిణీ చేస్తున్న రేషన్‌ బియ్యాన్ని అక్రమంగా తరలిస్తూ సొమ్ము చేసుకునే ప్రయత్నం మరోసారి వెలుగు చూసింది. మేడ్చల్‌ మల్కాజిగిరి జిల్లా శామీర్‌పేట నుంచి అక్రమంగా పీడీఎస్‌ బియ్యాన్ని తరలిస్తున్న ఈచర్‌ వాహనాన్ని టాస్క్‌ఫోర్స్‌ టీం-5 బుధవారం తెల్లవారుజామున పట్టుకుంది. వాహనాన్ని వెంబడించిన అధికారులు రాయపోల్‌ మండలం రామారం గ్రామంలోని మహాలక్ష్మి రైస్‌మిల్‌ వద్ద తనిఖీ చేయగా 120 క్వింటాళ్ల పీడీఎస్‌ బియ్యం పట్టుబడింది. ఇదే మిల్లులో మరో 280 క్వింటాళ్ల వరకు పీడీఎస్‌ బియ్యం ఉన్నట్లు గుర్తించడంతో మొత్తం సుమారు 400 క్వింటాళ్ల రేషన్‌ బియ్యం వెలుగు చూసింది. విశ్వసనీయ సమాచారం మేరకు టాస్క్‌ఫోర్స్‌ టీం–5 అధికారులు బుధవారం తెల్లవారుజామున 5 గంటల సమయంలో మేడ్చల్‌ మల్కాజిగిరి జిల్లా శామీర్‌పేట మండలంలో పీడీఎస్‌ బియ్యాన్ని తరలిస్తున్న ఈచర్‌ వాహనాన్ని గుర్తించారు. వెంటనే వాహనాన్ని వెంబడించగా అది సిద్దిపేట జిల్లా రాయపోల్‌ మండలం రామారం గ్రామంలోని మహాలక్ష్మి రైస్‌మిల్‌ వద్దకు చేరుకుంది. అక్కడ వాహనాన్ని తనిఖీ చేయగా 9 మెట్రిక్‌ టన్నుల (120 క్వింటాళ్ల) పీడీఎస్‌ బియ్యం ఉన్నట్లు అధికారులు గుర్తించారు. మిల్లులోనూ భారీగా నిల్వ.. ఈచర్‌ వాహనంలో బియ్యాన్ని గుర్తించిన అధికారులు మహాలక్ష్మి రైస్‌మిల్‌లోనూ తనిఖీలు నిర్వహించారు. మిల్లులో మరో 280 క్వింటాళ్ల వరకు పీడీఎస్‌ బియ్యం ఉన్నట్లు గుర్తించినట్లు తెలిపారు. దీంతో వాహనంలోని 120 క్వింటాళ్లతో కలిపి మొత్తం సుమారు 400 క్వింటాళ్ల రేషన్‌ బియ్యం ఉన్నట్లు వెల్లడైంది. పీడీఎస్‌ బియ్యంతో పట్టుబడిన ఈచర్‌ వాహనం TS-05-UC-5599తో పాటు డ్రైవర్‌ మాలోత్‌ శ్రీకాంత్‌ (పుట్టగూడెం, రాజాపేట మండలం, యాదాద్రి-భువనగిరి జిల్లా)ను టాస్క్‌ఫోర్స్‌ బృందం అదుపులోకి తీసుకుంది. మిల్లు యజమాని బచ్చు నాగరాజును కూడా విచారించారు. అనంతరం వాహనం, బియ్యం, డ్రైవర్‌ను స్థానిక పోలీసులకు అప్పగించారు. సంబంధిత డీటీసీఎస్‌ అధికారులకు సమాచారం అందించి పంచనామా నిర్వహించి కేసు నమోదు చేయడానికి చర్యలు

పోలవరం జిల్లా, ఏటపాక మండలం గొల్లగుప్ప గ్రామంలో క్లోరోక్విన్ మాత్రలు వేసుకున్న అనంతరం ఏడేళ్ల బాలిక మృతి చెందడం, పలువురు అస్వస్థతకు గురికావడంపై ముఖ్యమంత్రి నారా చంద్రబాబు నాయుడు తీవ్రంగా స్పందించారు. ఈ ఘటనపై తక్షణమే సమగ్ర విచారణ జరపాలని అధికారులను ఆదేశించారు. బాధితులందరికీ అత్యుత్తమ వైద్య సేవలు అందించాలని ఆయన స్పష్టం చేశారు.ఆరోగ్యశాఖ ఉన్నతాధికారులు, జిల్లా కలెక్టర్ కె. దినేష్ కుమార్‌తో ముఖ్యమంత్రి ఈ ఘటనపై సమీక్ష నిర్వహించారు. మలేరియా రాకుండా ముందస్తు చర్యల్లో భాగంగా గ్రామంలోని 71 మందికి క్లోరోక్విన్ మాత్రలు పంపిణీ చేయగా, వాటిని తీసుకున్న తర్వాత పలువురు అనారోగ్యం పాలయ్యారు. ఈ దురదృష్టకర ఘటనలో జమున అనే ఏడేళ్ల చిన్నారి ప్రాణాలు కోల్పోయింది.ప్రభుత్వ ఆదేశాలతో అధికార యంత్రాంగం తక్షణమే సహాయక చర్యలు చేపట్టింది. అస్వస్థతకు గురైన వారిలో 29 మందిని భద్రాచలం ఏరియా ఆసుపత్రికి, మరో 24 మందిని లక్ష్మీపురం ప్రాథమిక ఆరోగ్య కేంద్రానికి తరలించి చికిత్స అందిస్తున్నారు. గ్రామంలో అత్యవసర వైద్య శిబిరాలను ఏర్పాటు చేశారు. కాకినాడ ప్రభుత్వ ఆసుపత్రి నుంచి తొమ్మిది మంది సభ్యులతో కూడిన ప్రత్యేక వైద్య బృందం ఇప్పటికే గ్రామానికి చేరుకోగా, విజయవాడ, రాజమండ్రి నుంచి మరిన్ని బృందాలు బయలుదేరాయి.ఈ ఘటనలో ఇద్దరు చిన్నారులు మరణించారంటూ వస్తున్న వార్తల్లో నిజం లేదని, కేవలం ఒక బాలిక మాత్రమే మృతి చెందిందని అధికారులు ముఖ్యమంత్రికి వివరించారు. ప్రస్తుతం ఆసుపత్రుల్లో చికిత్స పొందుతున్న వారి ఆరోగ్యం నిలకడగా ఉందని, జిల్లా యంత్రాంగం పరిస్థితిని నిశితంగా పర్యవేక్షిస్తోందని వారు వెల్లడించారు

Maganoor Mandal | మాగనూరు, సెప్టెంబర్ 01 : మాగనూరు మండలం బైరంపల్లి గ్రామంలో విద్యార్థులు పాఠశాలకు హాజరవుతున్నా వారికి బోధించాల్సిన ఉపాధ్యాయుడు మాత్రం క్యాజువల్ లీవ్‌లో ఉండటంతో పాఠశాల నిర్వహణపై తీవ్ర ప్రశ్నలు తలెత్తుతున్నాయి. ఏకోపాధ్యాయుడిగా పనిచేస్తున్న టీచర్‌ సెలవులో ఉంటే ప్రత్యామ్నాయ బోధనా ఏర్పాట్లు చేయాల్సిన బాధ్యత అధికారులపై ఉన్నప్పటికీ, విద్యార్థుల చదువులపై కనీస పర్యవేక్షణ కనిపించడం లేదన్న ఆరోపణలు వినిపిస్తున్నాయి. ఉపాధ్యాయుడు లేకపోవడంతో విద్యార్థులు తరగతి గదిలో ఉన్నప్పటికీ బోధన మాత్రం నిలిచిపోయే పరిస్థితి నెలకొంది. చిన్నారుల విద్యా భవిష్యత్తుతో ముడిపడి ఉన్న అంశంపై మండల విద్యాధికారి ప్రత్యేక దృష్టి సారించాల్సి ఉన్నా, పాఠశాల పరిస్థితిని పట్టించుకోవడం లేదన్న విమర్శలు వెల్లువెత్తుతున్నాయి. ఉపాధ్యాయుడు సెలవులో ఉంటే ప్రత్యామ్నాయ ఉపాధ్యాయుడిని ఏర్పాటు చేయడం ఎవరి బాధ్యత..? విద్యార్థుల విలువైన విద్యా సమయం వృథా అయితే బాధ్యత ఎవరిది.. ? అంటూ తల్లిదండ్రులు ప్రశ్నిస్తున్నారు. నారాయణపేట జిల్లా విద్యాశాఖ అధికారులు స్పందించి పాఠశాలలో నెలకొన్న పరిస్థితిపై వెంటనే విచారణ చేపట్టి, విద్యార్థులకు నిరంతర బోధన అందేలా చర్యలు తీసుకోవాలని తల్లిదండ్రులు, గ్రామస్థులు కోరుతున్నారు. Tirumala | సెప్టెంబర్ నెలలో తిరుమలలో విశేష పర్వదినాలు ఇవే..15 నుంచి బ్రహ్మోత్సవాలు ప్రారంభం New York: న్యూయార్క్ టైమ్స్ స్క్వేర్‌లో క‌త్తుల‌తో మ‌హిళ దాడి.. వీడియో Biceps | పెద్ద బైసెప్స్ కావాలంటే పాటించాల్సిన చిట్కాలు ఇవే.. ఇలా చేయండి

Srikakulam: మకరాంపురంలో నీలమణి దుర్గా ఆలయ ప్రతిష్ఠకు ఏర్పాట్లు! Srikakulam: కంచిలి మండలం మకరాంపురం గ్రామంలో నూతనంగా నిర్మించిన శ్రీశ్రీశ్రీ నీలమణి దుర్గా ఆలయం (పాతపట్నం అమ్మవారు) ప్రతిష్ఠా మహోత్సవం ఈనెల 7న ఘనంగా నిర్వహించేందుకు ఏర్పాట్లు చేస్తున్నారు. మఖరాంపురం గ్రామ రజక సంఘం, గ్రామ పెద్దల ఆధ్వర్యంలో ఈ ప్రతిష్ఠా కార్యక్రమం నిర్వహించనున్నారు. స్వస్తి శ్రీ పరాభవ నామ సంవత్సర శ్రావణమాస బహుళ ఏకాదశి తిథి పునర్వసు నక్షత్రయుత తులా లగ్న పుష్కరము నందు సోమవారము ఉదయం అమ్మవారి విగ్రహ ప్రాణ ప్రతిష్ఠ చేయుటకు దైవజ్ఞులు నిశ్చయించినట్లు రజక సంఘం సభ్యులు తెలిపారు. నిలగిరి రామకృష్ణ సిద్ధాంతి ఆధ్వర్యములో వైదిక కార్యక్రమం, ప్రత్యేక పూజలు చేయనున్నట్లు చెప్పారు. భక్త మహాశయులందరూ విచ్చేసి అమ్మవారి దివ్య మంగళ రూపాన్ని దర్శించి తీర్థ ప్రసాదములు స్వీకరించవలని కోరారు

Seethakka | ములుగు జిల్లా : కాంగ్రెస్ నాయకుల ఇసుక దందాను పక్కదారి పట్టించడానికి 39 సంవత్సరాల క్రితం చనిపోయిన నా తండ్రి గురించి మాట్లాడడం సరైనది కాదని ములుగు మండల మాజీ బీఆర్ఎస్ పార్టీ అధ్యక్షుడు రమేష్ రెడ్డి ఆవేదన వ్యక్తం చేశాడు. ఈ విషయమై ఆయన మీడియాతో మాట్లాడుతూ.. మొన్న మంత్రి ధనసరి అనసూయ (సీతక్క) కొత్తగూడెం సభలో మాట్లాడే సందర్భంలో మా నాన్న సత్యనారాయణను 39 ఏండ్ల క్రితం నక్సలైట్లు చంపేశారు. సంబంధం లేని ఓ విషయాన్ని ప్రస్తావిస్తూ.. మా నాన్నను రాము చంపేశారని మాట్లాడారు. అప్పుడు నా వయస్సు 6 ఏండ్లు. మా బాబాయి, అమ్మ ఈ రోజుకు కూడా చెప్తరు. ఆ రోజుల్లో వీళ్లంతా ఊళ్లల్లోకి నక్సలైట్లు రాకుండా యూనిట్‌గా ఉన్నారు. మనం ప్రభావితం కావాలి.. ఏదో ఒక విధంగా భయపెట్టాలని చెప్పి నక్సలైట్లు ఎంటరై మా నాన్నను అనుకోకుండా చంపేశారు. ఆ ప్రోగ్రాంలో వందకు వెయ్యి శాతం సీతక్క ఉన్నది. సీతక్కను మా అమ్మ చేతులు పట్టుకున్నది. మా బాబాయి కూడా చేతులు పట్టుకొని బతిమిలాడారు. అసలు మాకు సంబంధం లేని విషయంలో ఎందుకు అక్క ఇలా చేస్తున్నరని అడిగారు. అయినా కానీ తీసుకెళ్లి కొడ్తమని చెప్పి బెదిరించి చంపేశారు. నా తండ్రిని ముమ్మాటికి చంపింది అప్పటి నక్సలైట్లలో భాగమైన సీతక్కే.. నా తండ్రితో మాట్లాడి పంపిస్తాం అని చెప్పి శవాన్ని ఇంటికి పంపించారు.. ఈ ఉదంతాన్ని సతీష్ రెడ్డికి ఆపాదించడం దారుణం.. చనిపోయింది నా తండ్రి అయితే మనసులో ఏమైనా ఉంటే నాకు ఉండాలి కానీ సతీష్ రెడ్డికి ఏమి సంబంధమని రమేష్ రెడ్డి ప్రశ్నించాడు. సీతక్క తనయుడు కుంజ సూర్య, నేను ఈ రోజు కన్నతండ్రులను చిన్నప్పుడే కోల్పోవడానికి కారణం సీతక్కనే.. కాంగ్రెస్ నాయకుల ఇసక దందాలు భూదందాలు సెల్‌ఫోన్ల స్కాములు సతీష్ రెడ్డి బయట పెడుతున్నాడు అనే అక్కసుతో ఎప్పుడో 39

Chirala: ఘనంగా మెగాస్టార్ చిరంజీవి 71వ జన్మదిన వేడుకలు చీరాల: జనసేన పార్టీ మరియు రాధా రంగా మిత్రమండలి ఆధ్వర్యంలో మెగాస్టార్ చిరంజీవి గారి పుట్టినరోజు వేడుకలు చీరాలలో ఘనంగా నిర్వహించడం జరిగింది. చీరాల వన్ టౌన్ పోలీస్ స్టేషన్ ఎదురుగా ఉన్న రాధా రంగా మిత్రమండలి ఆఫీసు నందు మెగాస్టార్ చిరంజీవి గారి 71 వ పుట్టినరోజు వేడుకలు రాధా రంగా మిత్రమండలి మరియు జనసేన పార్టీ సంయుక్త ఆధ్వర్యంలో నిర్వహించారు. ఈ సందర్భంగా పలువురు వక్తలు మాట్లాడుతూ మెగాస్టార్ చిరంజీవి పరిశ్రమలో ఎవరి అండదండలు లేకుండా స్వయంకృషితో ఎదిగారని ఇండస్ట్రీకి పెద్దదిక్కుగా ఉన్నారని ప్రజాసేవలో బ్లడ్ బ్యాంకు ఐ బ్యాంకు ద్వారా ఎన్నో వేల మందికి రక్తదానం నేత్రదానం చేశారని అలాంటి స్వార్థం లేని వ్యక్తులు సమాజంలో ఉండాలని పలువురు పలువురు నాయకులు అభిప్రాయం వ్యక్తం చేశారు. ఈ కార్యక్రమంలో జనసేన పార్టీ నాయకులు గూడూరు శివరాం ప్రసాద్, రాధా రంగా మిత్రమండలి బాపట్ల జిల్లా అధ్యక్షులు గోకుల్ కిరణ్ బాబు, చుండూరు వాసు, హనుమకొండ కిషోర్, పాలవలస శ్రీనివాస్, పాపిశెట్టి అంజిబాబు, చుండూరు రామకృష్ణ, రావూరు బాలాజీ, సురేషు, నాగరాజు, తిరుమల శెట్టి హనుమయ్య, మరియు రాధా రంగా మిత్రమండలి సభ్యులు జనసేన పార్టీ నాయకులు పాల్గొన్నారు

Hanumakonda District : హన్మకొండ జిల్లా ఎల్కతుర్తి మండల కేంద్రంలో దారుణ ఘటన చోటు చేసుకుంది. కారు నుంచి దుర్వాసన వస్తుండటంతో స్థానికులు డిక్కీ ఓపెన్ చేసిచూడగా అందులో మహిళ మృతదేహాన్ని గుర్తించారు. దీంతో పోలీసులకు సమాచారం ఇవ్వండంతో వారు ఘటన స్థలికి చేరుకొని విచారణ ప్రారంభించారు. విచారణలో భాగంగా అసలు విషయం వెలుగులోకి వచ్చింది. ఘటనకు సంబంధించిన వివరాలను డీసీపీ దారా కవిత మీడియాకు వెల్లడించారు. హన్మకొండ జిల్లా ఎల్కతుర్తి మండల కేంద్రానికి చెందిన వినోద్ కుమార్ కరీంనగర్‌లో ఉంటున్నాడు. పెద్దపల్లి జిల్లా గోదావరిఖనికి చెందిన రాజేశం కుమార్తె అంకితి మానస (38) వివాహిత. ఆమెకు వినోద్ కుమార్‌తో పరిచయం ఏర్పడింది. వీరి పరిచయంకాస్త కొన్నాళ్లకు వివాహేతర సంబంధానికి దారితీసింది. వారిద్దరూ కలిసి కరీంనగర్ జిల్లా కేంద్రంలోని ఒక గదిని అద్దెకు తీసుకొని సహజీవనం చేస్తున్నారు. కాగా.. సుమారు ఐదు రోజుల క్రితం మానస తన కుటుంబ సభ్యులకు, తండ్రికి తాను తమిళనాడులోని ప్రముఖ పుణ్యక్షేత్రమైన అరుణాచలం వెళ్తున్నట్లు చెప్పి ఇంట్లో నుంచి బయటకు వచ్చింది. అప్పటి నుంచి కరీంనగర్‌లో వినోద్ కుమార్ వద్దకు చేరుకుంది. వినోద్ కుమార్, మానస మధ్య ఈ నెల 19న తీవ్ర స్థాయిలో ఘర్షణ చోటుచేసుకుంది. ఈ క్రమంలో ఆగ్రహానికి గురైన వినోద్ కుమార్ మానసను గొంతు నులిమి హత్య చేశాడు. ఆ హత్యను కప్పిపుచ్చేందుకు మానస మృతదేహాన్ని గుర్తుతెలియని ప్రాంతంలోకి తీసుకెళ్లిన ఖననం చేయాలని నిర్ణయించాడు. అయితే, ఎల్కతుర్తికి చెందిన తుంగళ్లపల్లి సురేందర్ అనే వ్యక్తి తన కారును సమ్మిరెడ్డి వద్ద రూ.2లక్షలకు తాకట్టు పెట్టాడు. ఆ కారు వినోద్ కుమార్ వద్ద ఉంది. అతనే వాడుతున్నాడు. మానస మృతదేహాన్ని ఆ కారు డిక్కీలో పడేసి రహస్య ప్రాంతానికి తీసుకెళ్లేందుకు ప్రయత్నించాడు. ఈ క్రమంలో కరీంనగర్ నుంచి ఎల్కతుర్తికి చేరుకున్నాడు. ఎల్కతుర్తిలోని బస్టాండ్ సమీపంలో తన ఇంటి పరిసర ప్రాంతాల్లో కారును వినోద్ కుమార్ పార్క్