ప్రస్తుతం రామ్ చరణ్ ‘పెద్ది’ సినిమా ఎంత ట్రెండ్ అవుతుందో, రామ్ చరణ్ బాడీగార్డ్ కూడా అంతే ట్రెండ్ అవుతున్నాడు. నిజానికి నాలుగేళ్ల క్రితం నుంచే అతను చరణ్కు బాడీగార్డ్గా కనిపిస్తున్నాడు. కానీ, ఇటీవల వీడియోల్లో కనిపించడంతో అతను ఎవరా అని ఆరా తీయడం ఎక్కువైపోయింది. అయితే, ఈరోజు విజయవాడలో సాయంత్రం ‘పెద్ది’ సినిమా ప్రీ-రిలీజ్ ఈవెంట్ జరుగుతోంది. ఈ ఈవెంట్ కోసం రామ్ చరణ్ విజయవాడ బయలుదేరి వెళ్లాడు. కానీ, రామ్ చరణ్ కన్నా ముందే సదరు బాడీగార్డ్ వెళ్లి విజయవాడలో ల్యాండ్ అయ్యాడు. అక్కడ అతను బయటకు వస్తున్న క్రమంలో, రామ్ చరణ్ కోసం అక్కడికి వచ్చిన చాలామంది అభిమానులు సదరు బాడీగార్డ్తో ఫోటోలు దిగేందుకు ప్రయత్నించారు. దీంతో అక్కడ విమానాశ్రయ సిబ్బంది ఆ బాడీగార్డ్కే బాడీగార్డులుగా మారి, అతన్ని అక్కడి నుంచి వాహనం ఎక్కించాల్సిన పరిస్థితి ఏర్పడింది. ప్రస్తుతం దీనికి సంబంధించిన వీడియోలు సోషల్ మీడియాలో వైరల్ అవుతున్నాయి. ఇక రామ్ చరణ్ హీరోగా నటిస్తున్న ‘పెద్ది’ ప్రీ-రిలీజ్ ఈవెంట్ ఈరోజు విజయవాడలో జరుగుతుండగా, దానికి ముఖ్య అతిథిగా డిప్యూటీ సీఎం, రామ్ చరణ్ బాబాయ్ పవన్ కళ్యాణ్ హాజరుకాబోతున్నారు.