సమ్మర్ సీజన్ లో కీలకమైన మే నెల ముగిసింది. టాలీవుడ్ బాక్సాఫీస్ బోసిపోయింది. థియేటర్లన్నీ వెలవెలబోయాయి. మార్చి, ఏప్రిల్ నెలల మాదిరిగానే 'మే' కూడా వృధాగా పోయింది. వారం వారం కొత్త సినిమాలు రిలీజ్ అయ్యాయి కానీ.. వచ్చిన సినిమాలన్నీ వచ్చినట్టే వెళ్లిపోయాయి. ఒక్కటంటే ఒక్క హిట్ కూడా పడలేదు. అన్నీ కలుపుకొని పాతిక సినిమాల వరకూ విడుదలయ్యాయి కానీ.. బాక్సాఫీస్ దగ్గర నిలబడిన సినిమా ఒక్కటి కూడా లేదు. తరుణ్ భాస్కర్ 'గాయపడ్డ సింహం', కమెడియన్ సత్య 'జెట్లీ', సుమంత్ ప్రభాస్ 'గోదారి గట్టుపైన', రవిబాబు 'రేజర్', నందు 'అగ్లీ స్టోరీ' సినిమాలు మే నెలలో రిలీజ్ అయ్యాయి. 'వీరభద్రుడు', 'పేట్రియాట్', 'దృశ్యం 3', 'రాజా శివాజీ', 'బ్లాస్ట్' లాంటి డబ్బింగ్ చిత్రాలతో పాటుగా 'మరీచిక', 'రమణి కల్యాణం', 'పురుషః' వంటి మరికొన్ని సినిమాలు థియేటర్లలోకి వచ్చాయి. వీటిల్లో 'వీరభద్రుడు' మూవీ మాత్రమే తెలుగులో ఓ మోస్తరు వసూళ్లను రాబట్టింది. మిగతావన్నీ తీవ్ర నిరాశ పరిచాయి. మినిమమ్ ఓపెనింగ్స్ కూడా రాబట్టలేకపోయాయి.'నిన్ను కోరి', 'అతిథి', '1 నేనొక్కడినే' లాంటి రీ-రిలీజ్ సినిమాలు కూడా ఇదే నెలలో వచ్చాయి. మహేష్ బాబు క్రేజ్ తో ఉన్నంతలో కాస్తో కూస్తో కలెక్షన్స్ వచ్చాయి. ఓవరాల్ గా చూసుకుంటే, మే నెలలో చెప్పుకోదగ్గ సినిమాలు రాలేదు. థియేటర్లలో సందడి కనిపించలేదు. కొన్ని సిమిమాలకు జనాలు లేక షోలు క్యాన్సిల్ చేసే పరిస్థితి వచ్చింది. అంతో ఇంతో అంచనాలు పెట్టుకున్న చిత్రాలు సైతం ఆకట్టుకోలేకపోయాయి. దీంతో తీవ్ర నష్టాలతో మే నెల టాలీవుడ్ బాక్సాఫీస్ ముగిసింది.అయితే సమ్మర్ సీజన్ మరీ ఇంత డల్ గా ఉండటానికి 'ఇండియన్ ప్రీమియర్ లీగ్' క్రికెట్ ( IPL 2026 ) ఒక కారణమనే