Divyenndu News

<p>గ్లోబల్ స్టార్ రామ్ చరణ్ హీరోగా తెరకెక్కిన ‘పెద్ది’ (Peddi) చిత్రం విడుదలకు సిద్ధమైంది. మరో రెండు రోజుల్లో ప్రేక్షకుల ముందుకు రానున్న ఈ సినిమాపై భారీ అంచనాలు నెలకొన్నాయి. ఈ నేపథ్యంలో చిత్రబృందం సోమవారం విజయవాడలో ఘనంగా ప్రీ రిలీజ్ ఈవెంట్ నిర్వహించింది. ఈ కార్యక్రమంలో జాన్వీ కపూర్ (Janhvi Kapoor) మాట్లాడుతూ.. అందరికీ నమస్కారం. మీరు నాపై చూపిస్తున్న ప్రేమ, ఆదరణ చూస్తుంటే చాలా ఆనందంగా ఉంది. ‘పెద్ది’ సినిమా చూసిన తర్వాత కూడా ఇదే ప్రేమతో థియేటర్ల నుంచి బయటకు వస్తారని ఆశిస్తున్నాను. మీ ప్రేమ, అభిమానమే మమ్మల్ని మరింత కష్టపడి పనిచేసేలాచేస్తుంది అన్నారు.</p><p>ఈ సినిమా నాకు చాలా స్పెషల్. మన జీవితానికి అర్థం ఏమిటి? మన గుర్తింపు అంటే ఏమిటి? అనే అంశాలను ‘పెద్ది’ చాలా అద్భుతంగా ఆవిష్కరిస్తుంది. నా జీవితానికి అర్థం ప్రేక్షకులను అలరించడం, నటించడం, మంచి సినిమాలు చేయడం. నా గుర్తింపు కూడా మీ అందరితో ఎంతో బలంగా ముడిపడి ఉంది. మీరు నాపై చూపించిన ప్రేమకు నేను ఎప్పటికీ కృతజ్ఞురాలిని. మీరందరూ గర్వపడేలా మరిన్ని మంచి పనులు చేస్తానని మాటిస్తున్నా అని పేర్కొన్నారు. </p><p>ఈ సినిమా మీ అందరికీ తప్పకుండా నచ్చుతుందని నమ్ముతున్నా.. రామ్ చరణ్ గారితో కలిసి నటించే అవకాశం రావడం నా అదృష్టంగా భావిస్తున్నానని, ఆయన అద్భుతమైన నటుడు, గొప్ప వ్యక్తి. జై చరణ్ అని అన్నారు. బుచ్చిబాబు గారు నాకు తెలిసిన అత్యంత ప్యాషనేట్ దర్శకుల్లో ఒకరు. రెహమాన్ గారు ఒక లెజెండ్. మా నిర్మాత సతీష్ గారు ఈ మొత్తం ప్రయాణాన్ని ఎంతో అద్భుతంగా తీర్చిదిద్దారు. ‘పెద్ది’ ఒక గ్రాండ్ థియేట్రికల్ ఎక్స్‌పీరియన్స్. మీరు తప్పకుండా బిగ్ స్క్రీన్‌పై ఈ సినిమాను ఆస్వాదిస్తారు. ఈ సారి నన్ను మీరు ఇంకొంచెం ఎక్కువగా చూస్తారు. </p><div id="articlebodyAdsDiv"></div><iframe width="100%" height="415" src=" https://www.youtube.com/embed/vjQMJxEXUtc" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen loading="lazy"></iframe>

<p>రామ్ చ‌ర‌ణ్ ( Ram Charan) న‌టించిన పెద్ది (Peddi) చిత్రం మ‌రో రెండు రోజుల్లో ప్రేక్ష‌క‌ల‌కు ఎదుట‌కు రానుంది. ఈ నూప‌థ్యంలో మేక‌ర్స్ సోమ‌వారం విజ‌య‌వాడ‌లో ఫ్రీ రిలీజ్ ఈవెంట్ నిర్వ‌హించారు. ఈ సంద‌ర్భంగా .. డైరెక్టర్ బుచ్చిబాబు సానా (Buchi Babu) మాట్లాడుతూ: అందరికీ నమస్కారం. ఈ వేడుకకు విచ్చేసిన మంత్రులకు, ఎంపీ కేసినేని చిన్ని గారికి హృదయపూర్వక ధన్యవాదాలు. వారి ప్రోత్సాహంతో ఈ వేడుక అద్భుతంగా జరుగుతోంది. ఉప్పెన సినిమా చేసిన ఐదేళ్ల తర్వాత పెద్ది చేశాను. ఉప్పెనకు జాతీయ అవార్డు వచ్చింది, నిర్మాతలకు మంచి విజయాన్ని తీసుకొచ్చింది. ‘ఇంత సమయం ఎందుకు తీసుకున్నావు?’ అని చాలామంది అడిగారు. నేను పెద్ది కోసం తీసుకున్నాను. ఉప్పెన కథను కూడా విజయవాడలోనే రాసుకున్నాను. కనకదుర్గమ్మ తల్లి ఆశీస్సులు నాకు ఎప్పుడూ ఉంటాయి. </p><p>నన్ను రామ్ చరణ్ గారి దగ్గర కూర్చోబెట్టిన మా గురువుగారు సుకుమార్ గారికి ప్రత్యేక కృతజ్ఞతలు. ఉప్పెనను నాకు మెగాస్టార్ చిరంజీవి గారు ఇస్తే, పెద్దిని రామ్ చరణ్ గారు ఇచ్చారు. ఈ కథ చెప్పిన తర్వాత చరణ్ గారు ఒక్క కరెక్షన్ కూడా చెప్పలేదు. అంత నమ్మకం ఉంచారు. పెద్ది ఒక కమర్షియల్ సినిమా లాగానే కనిపించినా, లోపల బలమైన ఎమోషనల్ డ్రామా ఉంటుంది. ఒక ఆటగాడి ప్రయాణం, అతని ఆత్మగౌరవం, గుర్తింపు కోసం చేసే పోరాటం, తన విజయం తన చుట్టూ ఉన్న వారి జీవితాలను ఎలా మారుస్తుందనే కథ ఇది. పెద్ది ఎగిసిపడే మనిషి కథ కాదు... పడిపోయి మళ్లీ లేచే మనిషి కథ. నేను ఇప్పటివరకు ఈ సినిమాను దాదాపు వందసార్లు చూసుంటాను. చూసిన ప్రతిసారీ ఎమోషనల్ అవుతాను. కళ్లల్లో నీళ్లు వస్తాయి. సినిమా చూసిన వాళ్లందరూ కూడా అదే చెబుతున్నారు.</p><p> జూన్ 4న ఈ సినిమా విడుదల అవుతోంది. కుటుంబ సమేతంగా వెళ్లి చూడండి. మీ పిల్లలను కూడా తీసుకెళ్లండి. ఎన్ని ఆటంకాలు వచ్చినా ముందుకు సాగే ఒక యువకుడి స్ఫూర్తిదాయకమైన ప్రయాణం ఇది. పెద్ది సాధించే విజయం ఎలా ఉంటుందో థియేటర్‌లో చూస్తారు. నన్ను నమ్మి ఈ సినిమా అవకాశం ఇచ్చిన రామ్ చరణ్ గారికి జీవితాంతం రుణపడి ఉంటాను. జాన్వీ కపూర్ గారు ఈ సినిమాకు మరింత అందాన్ని తీసుకొచ్చారు. ఆమె నటనలో కూడా ఒక ప్రత్యేకమైన హీరోయిజం ఉంటుంది. ఇంత పెద్ద సినిమాలో నన్ను నమ్మి, ఒక్కరోజు కూడా ఒత్తిడి చేయకుండా పూర్తి స్వేచ్ఛ ఇచ్చిన నిర్మాత సతీష్ కిలారు గారికి హృదయపూర్వక ధన్యవాదాలు. </p><p>జగపతి బాబు గారు చేసిన అప్పలసూరి పాత్ర అద్భుతంగా ఉంటుంది. ఆ పాత్రకు సంబంధించిన సన్నివేశాలు వచ్చినప్పుడు ప్రేక్షకుల కళ్లలో నీళ్లు తిరగడం ఖాయం. రత్నవేలు గారు నేను రాసుకున్న ప్రతి అక్షరానికి ప్రాణం పోశారు. రామ్ చరణ్ గారి నటనను ఆయన అద్భుతంగా తెరపై ఆవిష్కరించారు. ఏఆర్ రెహమాన్ గారు అందించిన ప్రతి పాట ఇప్పటికే హిట్ అయింది. బ్యాక్‌గ్రౌండ్ స్కోర్ కూడా చాలా స్టైలిష్‌గా, మాస్‌గా ఉంటుంది. రెహమాన్ గారితో పని చేయడం నా చిరకాల కోరిక. ఆ కోరిక ఈ సినిమాతో నెరవేరడం నాకు చాలా ఆనందంగా ఉంది. మరోసారి రామ్ చరణ్ గారికి కృతజ్ఞతలు. జూన్ 4న కుటుంబ సమేతంగా థియేటర్లకు వెళ్లి పెద్దిని చూడండి. మీరు పెద్దిని ప్రేమిస్తారు, ఇష్టపడతారు. రామ్ చరణ్ గారి నటన చూస్తుంటే మీ కళ్లలో నీళ్లు రావడం ఖాయం. జూన్ 4న థియేటర్లలో కలుద్దాం.. ఎమోషనల్ అవుదాం అంటు ముగించారు.</p><div id="articlebodyAdsDiv"></div><iframe width="100%" height="415" src=" https://www.youtube.com/embed/uf6HyCdbqcg" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen loading="lazy"></iframe>